Мен Ержан Алаштуған 15 қазанда 1976 жылы дүниеге келгенмін. Туған жерім Қарағанды облысының Жаңаарқа ауданы. Ата-анам қарапайым шаруа адамдары болған. Атам мен әжемнің қолында, кейін интернатта тәрбиеленгенмін. Қазақ тілі мен әдебиетін тереңдетіп оқытатын 2 мектеп-интернатта оқығанмын. Алматыдағы 62 Шона Сымаханұлы ат. мектептің түлегімін. Абай ат. Алматы университетін тіл-әдебиет мамандығы бойынша бітіргенмін. Алғашқы жыр жинағым "Тақсыр, Күн" 2000 ж. жарық көрген "Отырар кітапханасы" сериясымен. Редакторы Байбота Қошым-Ноғай ағамыз. Оған дейін 1995 ж. жарық көрген "Толқыннан толқын туады" студент ақындардың жинағында жарияланғанмын. Ерте араластым әдебиетке де, қоғамдық өмірге де. 1996 ж. саяси бап бойынша 1 жылға шартты түрде кесілгенмін. Кейін ұзақ мерзімге қамалдым. Бостандықта жүргеніме бес жыл. Өз кәсібім бар... Әдебиетке оралғаныма бес ай болды... 

13.05.2020 жылғы "Мәдениет порталына" жолданған хаттан алынды.