2024 жылғы Олимпиаданың күміс жүлдегері, палуан Демеу Жадраевтың анасы жаңа баспанаға ие болды. Бұл туралы Жетісу облысы әкімдігінің баспасөз қызметі өкілдері мәлімдеді, деп хабарлайды madeniportal.kz сайты Massaget.kz-ке  сілтеме жасап. 

Жетісу облысының әкімі Бейбіт Исабаев Парижде өтіп жатқан ХХХІІІ  Олимпиаданың күміс жүлдегері, палуан Демеу Жадыраевты қабылдап, "Жетісу облысының Құрметті азаматы" төсбелгісін тақты. Анасы Күлипа Бижановаға салтанатты түрде құрмет көрсетіліп, Жаркент қаласынан жаңа үйдің кілті табысталды.

Облыс басшысы ҚР еңбек сіңірген жаттықтырушылары – спортшының алғашқы бапкері Жұмахан Тұрғамбеков және жеке бапкері Боранбек Қоңыратовқа да ризашылығын білдіріп, қаржылай сыйлықтар тапсырды.

Жетісу жұртшылығы жерлестерінің Олимпиададағы боз кілемге шыққан әр қадамын қалт жібермей қарап, тілектес болып отырғанын айта келе Бейбіт Исабаев:

Өз кезегінде Демеу Жадыраев алдымен анасына ерекше құрмет көрсеткені үшін алғыс білдірді.

Еске салайық грек-рим күресінен Қазақстанның еңбек сіңірген спорт шебері Демеу Жадыраев – Жетісу облысы Панфилов ауданы Үшарал ауылының тумасы. Оның спорттағы алғашқы қадамы Үшарал ауылындағы мектепте күрес секциясына қатысудан басталған. Бұл секцияда оған күрестің бастапқы әліппесін үйреткен жаттықтырушы Жұмахан Тұрғамбеков болды. Кейін 2003-2007 жылдарда Демеу Жадыраев Талдықорған қаласындағы дарынды балаларға арналған спорт-интернат мектебінде оқыды.

Бұл мектептен Мират Сәрсенбаев, Карина Горичева, Игорь Сон, Ильфат Абдуллин сияқты әлем чемпиондары мен Олимпиада жүлдегерлері шыққан. Осылайша Жетісу жерінен басталған спорттағы жол үлкен даңғылға ұласып, Демеу Жадыраев биыл Парижде өтіп жатқан ХХХІІІ жазғы Олимпиада ойындарында күміс медальға ие болды.