Облыс бойынша барлығы 90-ға жуық іс-шара орындалды. Шамамен 8 шақырым қорғаныс бөгеттері мен жалдар тұрғызылды, өзен арналарының 45 км су тасқыны қауіпті учаскелеріне санация жүргізілді, 11 шақырым су бұру каналдары салынды және жөнделді, 18 шақырым дренаж және су бұру жүйелері тазартылды, автомобиль жолдарының 66 учаскесінде су өткізу қабілеті ұлғайтылды, 54 су шаруашылығы объектілеріне жөндеу жүргізілді. Бұл туралы Қарағанды облысы әкімінің орынбасары Бауыржан Асанов ОКҚ брифингінде мәлімдеді, деп хабарлайды  madeniportal.kz.

Оның айтуынша, барлық қажетті шаралар қабылданды. Сондай-ақ қосымша 3765 тонна жанар-жағармай, 171 тонна азық-түлік, 64 мың тонна инертті материал, 189 мың дана қаптар дайындалды. Облыстың елді мекендерінің аумағынан 2 млн 600 мың текше метр астам қар шығарылды. 45 шақырым су бұру траншеялары жасалды, 155 шақырым каналдар мен арықтар, 4635 бірлік су өткізу құбырлары және 441 көпір тазартылды.

Негізгі су қоймаларынан жіберілетін су келіп жатқан көлеммен теңдестірілді, Самарқанд су қоймасынан секундына 150 текше метр, Ынтымақ су қоймасынан 300 және Шерубай-Нұра су қоймасынан секундына 128 текше метр көлемінде су өтуде. Нұра және Шерубай-Нұра өзендеріндегі су тасқынының негізгі шыңы 29-31- наурыз аралығында өтті, онда 4 ауылдағы 41 тұрғын үй, елді мекендерде су толып кетумен байланысты 23 жағдай және су басу қаупімен байланысты 20 жағдай орын алды.