ACE (Ninety One)

Азамат Ашмақын. Қазақстандық әнші, Ninety One тобының мүшесі ретінде танымалдылыққа ие болды.

Азамат 1993 жылдың 28 тамызында  Алматы қаласында дүниеге келген.  

Темірбек Жүргенов атындағы Қазақ ұлттық өнер академиясының колледжінде актерлік шеберлік мамандығын алған. Қазіргі кезде аудармашы мамандығы бойынша Абылайхан атындағы Қазақ халықаралық қатынастар және әлем тілдері университетінде оқып жатыр. Испан және ағылшын тілдерін меңгеруде.

2012 жылдан 2015 жылдар аралығында Оңтүстік Корея елінде дарындыларды іздестіру, продюсерлік және дыбыс жазумен айналысатын S.M. Entertainment атты музыкалық агенттігінде тағылымдамадан (стажировка) өткен. Таңғы балғындық елінде ACE 2,5 жыл тұрып, корей тілін жетік меңгерген.

Қазіргі таңда 2014 жылы құрылған, Қазақстандағы алғаш рет Q-pop музыкалық жанрының негізін салушы Ninety One тобының вокалисі және жетекшісі. Сондай-ақ топ арасында «топ келбеті» атағына ие. Бұл топқа S.M. Entertainment агенттігінде 2,5 жыл тағылымдаман өтіп келгеннен кейін қосылды. Басқапқыда топ атауы KTI-boys болатын, алайда 2015 жылдың 1 қыркүйегінде алғашқы «Айыптама» синглын жариялаған кезде, топ атауын Ninety One деп өзгертті.

Хоббиі: Мистикалық және эзотерикалық жанрдағы кітаптарды оқу, экстремалдық спорт түрлерімен айналысқанды ұнатады.

Бойының ұзындығы: 177 см

Салмағы: 59 кг

Сүйікті тағамы: лағман

Брайан Макнайт, Boyz II Men, Крейг Дэвид, Эрик Бенет сынды ритм-н-блюз жанрында өнер көрсететін әншілерді сүйіп тыңдайды.