Жеңіс Ысқақова  1966 жылы 9 мамырда Қызылорда облысы Сырдария ауданы Тереңөзекте дүниеге келген. 1982 жылы Сырдария ауданындағы орта мектепті бітірген. Мектептің іс-шараларына ол белсенді түрде қатысып отырған. Облыстық, аудандық әншілер байқауларына қатысқан.

1984 жылы Сырдария аудандық мәдениет үйінің автоклуб меңгерушісі, әрі композитор Рамазан Тайманов құрған ансамбль солисі болып алғашқы еңбек жолын бастаған.

1985 - 1987 жылдары (бұрынғы Алматы эстрада-цирк училишесі) қазіргі Ж.Елебеков атындағы Республикалық эстрда-цирк колледжінің "эстрада" мамандығы бойынша Қазақ КСР халық артисі, мемлекеттік сыйлық иегері, профессор Лаки Константинович Кесоглудың класын бітірген.

1987 жылдан Гүлдер ансамблінде өнер көрсетті.

Қазақстан Республикасы Қорғаныс Министрлігінің Орталық Ансамблінің солисі.

Нұрғиса Тілендиев атындағы Академиялық фольклорлы-этнографиялық "Отырар сазы" оркестрінің солисі.

Құрманғазы атындағы Қазақтың мемлекеттік академиялық халық аспаптар оркестрінің солисі.

Шығармашылығы:

Жеңіс Ысқақова 1987 жылдан Республика жұртшылығына кеңінен таныла бастады.

1992 жылы әншінің алғашқы дебюттік "Мен білмеймін" әні шықты. 1994 жылы бұл ән "Жылдың үздік әні" атанды. "Аяла сен мені", "Түңгі жаңбыр" (1995), "Ғажап ертегім" (1999), "Сыр сұлуы" (2000), "Сен ғана" (2000), "Сыңсу" (2001), "Тылсым сезім" (2004) және т.б көптеген хит әндері республика жұртшылығына кеңінен таралған.

2000 жылы қазақ вальсінің короліі атанған Шәмші Қалдаяқовтың еске алу кешінде алғаш рет "Сыр сұлуы" әнін орындады. Бұл ән әншінің репертуарынан ойып тұрып орын алды. Бүгінгі күнде әншіні "Сыр сұлуы" деп атап кеткен.

Жеңіс Ысқақова композитор, "Қазақстанның еңбек сіңірген өнер қайраткері" Кеңес Дүйсекеевпен тығыз шығармашылық байланыста.

Жеке концерттері:

2001 жылы "Сыр сұлуы" деп аталатын әншінің алғашқы ән кеші Республика Сарайында жоғарғы деңгейде өтті.

2005 жылы "Әнім Сен Едің" деп аталған мюзикл бағытындағы екінші ән кешін Абай атындағы Қазақ Мемлекеттік академиялық опера және балет театры сахнасында жоғарғы деңгейде өткізді. Бұл кештің жүргізушісі танымал актер, "Қазақстанның еңбек сіңірген өнер қайраткері" Азамат Сатыбалды болды. 2008 жылы Мәскеуде үшінші жеке концертін өткізді.

Альбомдары:

1997 жылы "Түнгі жаңбыр" кассетасы, 2003 жылы "Түнгі жаңбыр" жаңа тректер ресми түрде жарыққа шықты, 2013 жылы "Бақыт құшағында" электрондық альбомы.

Клиптері:

1994 жылы "Мен Білмеймін", 1995 жылы "Аяла Сен Мені", 1999 жылы "Жалғызым", 2001 жылы "Сен ғана", 2003 жылы "Тылсым Сезім", 

2014 жылы "Аяла Сен Мені (дуэт)", 2015 жылы "Жан әке" (әні: Кеңес Дүйсекеев) Жан Әке, 2016 жылы "Жаңа күн".

Марапаттары:

1987 жылы Юрмалада өткен Бүкілодақтық эстрада орындаушыларының конкурсында "Көрермендер көзайымы" аталымы бойынша марапатталған.

1987 жылы Бүкілодақтық Жаңа есім («Новые имена» — 87) конкурсының лауреаты.

1987 жылы Мәскеудегі «Виват, Виктория» халықаралық конкурсының гран-при иегері.

2005 жылы Елбасының жарлығымен "Қазақстанның еңбек сіңірген қайраткері" құрметті атағымен марапатталды.