Басты бет > MADENI TV > “Қазақ мені жетімсіретпеді”: қарияның сөзі елді жылатты (видео)

“Қазақ мені жетімсіретпеді”: қарияның сөзі елді жылатты (видео)

Фото: MadeniPortal.kz

MADENI TV 04.12.2025

844

Жетісу облысы Ақсу ауданындағы Молықбай Байсақұлы атындағы Мәдениет үйі әлеуметтік желіде жариялаған шешен қарияның әсерлі үндеуі көпшілікті толқытты, деп хабарлайды MadeniPortal.kz.

Бейнежазбада ақсақал сталиндік қуғын-сүргін жылдары шешендерді Қазақстанға жер аудару кезеңін көзімен көргенін айтады. Оның сөзінше, қазақ халқы аш-жалаңаш күйде келген шешендерді бөтенсінбей, бауырына басып, өз балаларын есік жаққа жатқызып, оларды төрге шығарған.

«Мен бәрін көзіммен көрдім, қолыммен ұстадым. Сол жылы әке-шешем қайтыс болып, жетім қалдым. Бірақ ешқайда кеткен жоқпын — қазақ халқы қамқор болды. Қазаққа айтар алғысым шексіз. Қанша рақмет айтсам да жеткізе алмаймын. Жүрегімде, миымда, көңілімде сақталған шындықты айтып тұрмын», – деді қария.

Бейне соңында ақсақал қазақ халқына ақ батасын беріп аяқтады.

Желі қолданушылары қарияның шынайы эмоциясына толы сөздерін жүрек тебірентерлік деп атап, бейнежазба қысқа уақытта кең таралды.

#MADENI TV

Бөлісу: