“Қазақ мені жетімсіретпеді”: қарияның сөзі елді жылатты (видео)

Жетісу облысы Ақсу ауданындағы Молықбай Байсақұлы атындағы Мәдениет үйі әлеуметтік желіде жариялаған шешен қарияның әсерлі үндеуі көпшілікті толқытты, деп хабарлайды MadeniPortal.kz.

Бейнежазбада ақсақал сталиндік қуғын-сүргін жылдары шешендерді Қазақстанға жер аудару кезеңін көзімен көргенін айтады. Оның сөзінше, қазақ халқы аш-жалаңаш күйде келген шешендерді бөтенсінбей, бауырына басып, өз балаларын есік жаққа жатқызып, оларды төрге шығарған.

Бейне соңында ақсақал қазақ халқына ақ батасын беріп аяқтады.

Желі қолданушылары қарияның шынайы эмоциясына толы сөздерін жүрек тебірентерлік деп атап, бейнежазба қысқа уақытта кең таралды.