Суретші Серікжан Ысқақбекұлы 1978 жылы ҚХР ШҰАР Іле Қазақ автономиялық облысы, Күнес ауданында дүниеге келген. 2000 жылы Шыңжаң көркемөнер академиясының сурет факультетінің майлы бояулы кәсібін бітірген. 2016 жылы Қазақ Ұлттық өнер университетінде кескіндеме мамандығы бойынша өнертану ғылымдарының магистрі болып бітірген.ҚХР ШҰАР Іле қазақ автономиялық облысы суретшілер одағының мүшесі (2006).
ҚХР Шыңжаң суретшілер одағының мүшесі (2008).
Қазақстан суретшілер одағының мүшесі (2017).
2012 жылы еңбектері үшін ҚХР Мәдениет министрлігі тарапынан арнайы алғыс хатпен марапатталған.
2015 жылы шетелде тұратын отандастардың қатысуымен өткен халықаралық өнер фестивалінде II орынмен марапатталған. Астанада 3 мәрте жеке шығармашылық көрмесі ұйымдастырылған. Жұмыстары Қытайда көрмелерге қойылып сақтауға алынған, «Ымырт» атты жұмысы ҚР Ұлттық музейінде, «Отарда» қатарлы 8 жұмысы Кипрдегі модерн көркем өнер музейінде сақталған.
Қазір Қазақ Ұлттық өнер университетінің оқытушысы.