Республика күні қарсаңында ҚР ҰҚК Шекара академиясында 5-арнайы кафедрасының профессоры, философия ғылымдарының докторы К.Молтобарованың «Мәдениеттану» кітабының тұсаукесері өтті. Шараға ҚР ҰҚК ША бастығының ғылыми жұмыстар жөніндегі орынбасары, қауымдастырылған профессор Р.М.Алтынбеков, ҚР ҰҚК ША бастығының орынбасары - ТЭЖиЖ басқарма бастығы, полковник А.А.Алиев, Шекара академияының оқытушылар құрамы, курсанттары, магистранттары, докторанттары және Әл-Фараби атындағы ҚазҰУ өкілдері қатысты. Жиынды ҚР ҰҚК Шекара академиясы бастығының бірінші орынбасары, қауымдастырылған профессор, полковник А.Б.Исмаилов кіріспе сөзбен ашты. «Мәдениеттану» кітабының тұсауын кесу және таныстыру әлеуметтік, сондай-ақ әскери ғылымдар докторы, профессор, ҚР еңбек сіңірген қайраткері, ҚР ҰҚК ША профессоры Н.Ж.Асыловқа ұсынылды. 

Тұсаукесер рәсімінен соң жаңа еңбек туралы белгілі сыншы, ҚР еңбек сіңірген қайраткері Ә.Бөпежанова, Әл-Фараби атындағы ҚазҰУ философия және саясаттану факультетінің деканы, ф.ғ.д., қауымдастырылған профессор М.Б.Бекжан, осы факультет деканының орынбасары, ф.ғ.д. Ә.Омарбекова, өнертану ғ.д., балетмейстер Л.Мәмбетова, ҚазҰУ мәдениеттану және дінтану кафедрасының меңгерушісі, ф.ғ.д. А.Д.Құрманалиева, ҚР ҰҚК Академиясының профессор, ф.ғ.д. Г.Ж.Жұманова, ф.ғ.д., ҚР Президенті жанындағы Жастар саясаты кеңесінің мүшесі, ENACTUS KAZAHSTAN қорының президенті А.Ержанова, ҚР ҰҚК ША магистранты, полковник Н.С.Нұртазаев, аға оқытушы, майор Ә.Б.Әділжан, майор Ә.Б.Керімбаев, сондай-ақ 2 курс студенті Д.Есдәулет, ҚазҰУ магистранты Ж.Хасиетова тағы басқалар ғалым еңбегінің маңызын, жаңалығын, тәжірибелік пайдасын жан-жақты сөз етті. Осы еңбек аясында бүгінгі мәдениеттанудың өзекті мәселелері, тұлғалық қалыптасудағы ұлттық дүниетаным, әдебиет пен өнердің роліне баса назар аударылды. Жиын соңында еңбек авторы Күміс Ишжанқызының өзі сөз алып, осы еңбегінің жазылу себептерін, ғалым ретіндегі мақсатты жолы туралы қызғылықты әңгімеледі.

«Мәдениеттану» кітабы ҚР Мәдениет және спорт министрлігінің... Мемлекеттік кіші бағдарламасы бойынша жарық көрді. 3000 данамен шығарылып, республика кітапханаларына таратылған кітап ЖОО студенттеріне, мәдениет философиясы мен мәдениеттің тарихы және теориясымен, мәдениеттану мәселелерімен айналысатын зиялы қауымға, өнерсүйер қалың оқырманға арналған.