Мемлекет басшысы Абай Құнанбайұлының 175 жылдық мерейтойын дайындау және өткізу жөніндегі мемлекетті...
Жұлдыз Әбдікәрімова: "Менің таңдауым үнсіздік екен"
Фотосурет ашық дереккөзден алынды
Актриса Жұлдыз Әбдікәрімова әлеуметтік желідегі парақшасында өмір жайлы жазба жариялады, деп хабарлайды madeniportal.kz тілшісі aikyn.kz сілтеме жасап.
Ол ауруханада жатып көп ойланғанын жеткізді.
"Білесіз бе?… Ауруханада жатып, көп ойландым. Мен кіммін? Нендей тірлік етіп жүрмін? Қайдан келемін? Қайда барамын? Ата-анама қандай перзентпін? Балаларыма қандай анамын? Өзге тұрмақ, өзімнің мыңдаған сұрағыма толық жауап бере алмадым. Бір түсінгенім, мендегі күш күлімсіреу екен. Қандай сынақ келсе де, батпандай әділетсіздік көрсем де үн қатпау, топырақ шашпау, бет жыртыспау, ақталмау! Жаратқанға әр әрекетім үшін жауабым, жиған сауабым, ізгі амалым бар ма? Мен үшін сұрақтардың ең маңыздысы осы екен. Дүниеде ең оңайы ақыл айту емес пе?! Ал менің таңдауым үнсіздік екен", - деп жазды актриса.
Желі қолданушылары оған қолдау білдіріп, түрлі пікір қалдырған.
"Ең бастысы, ата-ананың қарапайым тәрбиесін бойына сіңірген перзентсің, ата-анаңа алғыс, сендей ақылды, білімді, көрікті, әдемі, мәдениетті, тәрбиелі қызды дүниеге әкелген", "Жұлдыз сөйлесе баяғыда сұхбат, подкаст, тиктоктың жұлдызы болар еді. Бірақ ол жай ғана бақытты, балаларына үлгілі ана болуды таңдады", - деп жазды олар.