Басты бет > ӘДЕБИЕТ > Сағыныш Намазшамова. Сырлы өлең

Сағыныш Намазшамова. Сырлы өлең

ӘДЕБИЕТ 05.01.2019

3853

Күлкімнің күміс нұрына
шомылып өскен гүлдерім,
Құмыра-ғұмыр қырына
төгіліп өскен гүлдерім.

Құмыра сынды қалыпқа
Дәл сендей мен де сыйғанмын.
Әйнектен түскен жарыққа
Күн нұры ғой деп иландым.

Буалдыр тартып біршама,
Егеске түсті жан мен ой.
Себезгі тартып тұрса да,
Сәуленің аты сәуле ғой.

Тынышымды алып әлдене,
Санаға сыймай кей ұғым.
Құйылатұғын кеудеме
су емес, сол бір мейірім.

Жапанда өскен жайқалып,
жапырақ жайса құба тал,
Ажарыма кеп Ай тамып,
асқақтап мен де гүл атам.

Жіберген кезде тасты да,
Топырақты күз құрғатып,
Тұтасқан қардың астында
Тыншудың өзі бір бақыт.

Жымисын десең тағдырың,
Жатпасын ойда бір өкпең.
Тамсану үшін барлығын
өткізу керек жүректен!

Таусыла көрме, тәтті күн!
Ғұмырдың мәнін шын ұғам,
шарасына сыймай шаттығым,
шытынап кетсе құмырам.

Өгей демейтін өз атын,
Ерсі емес гүлге теңеген.
Екі әлемге есік болатын
Сен аман болшы, терезем!

#ӘДЕБИЕТ

Сағыныш Намазшамова

АҚЫН

Бөлісу:

Қазақстанда медициналық диагностика мен емдеудің заманауи технологияларын енгізу арқылы балаларды ше...

Атырауда 9 қаңтарда жоғалып кеткен 59 жастағы Талғат Назаровты іздеу жұмыстары ресми түрде аяқталды,...

Қостанайлық қаламгер Абылай Мауданов неміс жазушысы Рудольф Эрих Распенің балаларға арналған "М...

Не деген даналық. ...Адайдың бес жүйрігінің бірі Кенже Ақтан Керейұлының (1850-1912 жж)«Бісімі...

Ұлы Абай «Біріңді, қазақ, бірің дос, Көрмесең істің бәрі бос» деген өсиет қалдырыпты. Бі...

Жастар жылы аясында елордалық 5-балалар кітапханасында орталықтандырылған кітапханалар жүйесінің ұйы...

Бішкектегі Ұлттық тарихи музейде белгілі жазушы Сәуле Досжанның қырғыз тіліне аударылған «Айыл...

.. Суық хабарға сене алмадым. Ол менің қарындасымнан кем болмады. Мен отыз жасымды атап өткенде қасы...

Дарвин маймылдан жаралса, жаралған шығар. Біз арғымақтан жаралғанбыз. Асқар СүлейменовТян...

Айгүл Жұбаныш - 1984 жылы 17 тамызда Ақтөбе облысы, Шалқар ауданы, Бершүгір станциясында дүниеге кел...