Ұлттық UMAI сыйлығына қалай қатысуға болады?

Еске сала кетейік, UMAI сыйлығының жүлде қоры 54 миллион теңгені құрады, олар 4 аталымда 19 сыйлыққа үлестіріледі: «Театр өнері», «Музыкалық-орындаушылық өнер», «Хореографиялық өнер», «Бейнелеу және сәндік-қолданбалы өнер» және UMAI-2022 ұлттық сыйлығының Қазақстандағы Балалар жылына орайластырылған «Үздік балалар спектаклі үшін» арнайы жүлдесі. 

Әлеуетті қатысушылардың жиі қоятын сауалы: «Өтінімді қалай беруге болады?». Бұны істеу әсте қиын болмай шықты. Номинанттардың өтінімдері электрондық түрде 9 желтоқсанға дейін «Астана Опера» театрының сайтында көрсетілген поштаға қабылданады. Театр Ұлттық сыйлықты өткізу алаңына айналды. 5 жұмыс күні ішінде ұйымдастыру комитеті құжаттардың толықтығын тексеріп, содан кейін номинанттың құжаттары сараптау комиссиясы мүшелеріне танысуға жіберіледі. 

12 желтоқсанға дейін сараптау комиссиясы алқалы жиында байқау финалисін анықтайды (әр аталымда бірден төрт финалистке дейін). Финалисттер хабарлама алып, Астана қаласына Сыйлықты табыстау рәсіміне шақырылады. 

 Салтанатты марапаттау рәсімі 23 желтоқсанда «Астана Операда» өтеді, онда UMAI ұлттық сыйлығының лауреаттары жария етіледі.