Күйеуінен мәһрге ерекше зат сұраған мұғалім қыз жұртты сүйсінтті

Әлеуметтік желіде күйеуінен мәһрге ерекше зат сұраған ару адамдардың ықыласына бөленді, деп хабарлайды MadeniPortal.kz.

Жас жұбайлар мешіттегі неке қию рәсімін Аруна есімді қолданушы парақшасында жариялады. Имам келіншектен мәһрге не қалайтынын сұрағанда, ол жұбайынан түрлі түсті принтер алып беруін сұраған. 

Әлеуметтік желіде мәһр тақырыбында тараған видеолардың басым көпшілігінде арулар алтыннан бастап, жеке ұшаққа дейін сұрап жатса, жас келіншектің бұл қалауы жұртты тәнті етті. 

“Жаным-ау”, “Байғұс мұғалімдер түстерінде А4 мен принтер көреді”, “Дұрыс жасапты, өте керек зат қой", “Мен ғана емес екенмін принтер сұраған, көріп куанып кеттім”, “Принтер сұрағанын бірінші рет көріп тұрмын, сүйкімді екенсіз”, “Ұстаздың зары болып тұр ғой”, – деп жазған олар.