Динара Сұлтан (Қоскелдиева) 1986 жылы 8 желтоқсанда Атырау қаласында туған — қазақ әншісі.

Карьерасы:

Динараның музыкаға деген қабілеті бес жасынан-ақ байқала бастаған. Музыкадан алғашқы сабақты өз анасынан алған. Мектеп кезінде ол тек жақсы оқып қана қоймай, талай рет музыкалық конкурстарға қатысып, бас жүлдені иеленген. Әнші болуды, сахнада көрінуді мақсат еткен Динара тоғызыншы сыныпты бітіріп, музыка колледжіне түсу үшін оңтүстік астанаға келеді. "КСРО-ның еңбек сіңірген әртісі" Лаки Кесоглу Константиновичтің сыныбына түседі.

2006 жылы колледжді бітірген соң, білім алуын ары қарай жалғастырып, Т. Жүргенов атындағы Қазақ Өнер Академиясына қабылданады. Бұл бұл оқу орнында да Лаки Кесоглу сабақ берді.

2006 жылы «SuperStar kz» республикалық конкурсына қатысып, финалға дейін барады. Кейін Қазақстанның әйгілі China Town тобында өнер көрсетеді. 2009 жылы ЖОО-нын бітіргеннен кейін, «Динара Султан» атымен жеке әнші ретінде елге таныла бастады. 2010 жылы «Екі Жұлдыз» телешоуына қатысты.