Фридрих Ницшенің афоризмдері

***

Біз Ақиқатты құмарпаздық ойынына салумен келеміз. Бәлкім, адамзат қауымы дәл осыдан опық жер. Жә, одан келер-кетер не бар дейсің?!

***

Егер жауың байқалмаса, босаңсыма, жел де көрiнбейдi, бiрақ шырақты өшiредi.

***

Адам қателiк жiберуi мүмкiн. Қателiктi мойындау оны сүйкiмдi етедi. Егер адам қателiктi түзесе, бұл оны екi есе сүйкiмдi етедi.

***

Кейде адам деп жүргенiң, адамға ұқсас жәндiк болып шығады.

***

Кiмдi қызғаныш өртi күйдiретiн болса, сол ақыр-соңында шаян сияқты улы iскектi өзiне қадайды.

***

Сен өзiңдi мейiрбан сезiнсең, мұны саған ашуланып, ала көзiмен қарайтын басқалар одан сайын сезiнедi. Iзгi адам бәрiнiң жолында кесе-көлденең тұратынын ұмытпа.

***

Жауыздық жара сияқты: қышиды, ашиды, жарылады — ол өзi туралы шынын айтады.

***

Кiм өзiне-өзi сенбесе, сол әрқашан өтiрiк айтады.

***

Адамдар қарапайым ақиқатты елемегендiктен көп азап тартады.

***

Нағыз еркек екі нәрсені ұнатады: қатер және ойын. Қатерлі ойыншық болғандықтан ол әйел затын сүйеді.

***

Егер сен биікке шыққың келсе, тек өз аяғыңмен ғана шық. Басқалардың сені биікке көтеріп шығуына жол берме! Басқалардың арқасына жабыспа, басқалардың желкесіне мінуші болма.

***

Кешігіп келген бақыт ұзақ сақталады.

***

Кейде күдіксіз сену өтіріктен де жаман.

***

Жаман деп жүргенiмiздi жақсы деуге батылымыз жеткен күнi бiздiң өмiрiмiзде ұлы кезеңдер басталады.

***

Әр нағыз еркекте ойнағысы келетін жасырын бала болады. Олардан баланы тауып алыңыздар, әйелдер!

***

Егер сені мақтаса, онда білгенің жөн, сен әлі де болса өз жолыңда емессің, басқалар үшін ыңғайлы жолдасын.