Жетісу облысында қаза тапқан студент өлімінің нақты себебі анықталмай жатыр, деп хабарлады madeniportal.kz Информбюро ақпарат бағдарламасына сілтеме жасап.

Жазира Тоғасбаева 7 ай бұрын жалғыз қызынан айырылды. Зарина 9-сыныпты бітіріп, Талдықорғандағы инновациялық колледждің филология факультетіне оқуға түсіп, жатақханаға орналасады. Алайда 6 айдан соң студент қыз мерт болды.

Қайғылы оқиға күні Жазира қызын сабақтан сұрап алып, түске дейін бірге уақыт өткізіпті. Айтуынша, көңіл-күйі жақсы болған, демалыста ауылға барамын деп айтқан. Кешке қарай анасына «бәрі жақсы» деп тағы да хабарласыпты. Содан жарты сағат өтпей оқу орнындағы мұғалімдер жедел жәрдем шақырғандарын айтқан.

Марқұмның туыстарының айтуынша, бұл бейнежазба істе тіркеліп, кейін жоқ болып кеткен. Олар осымен төртінші тергеушінің қолына өткен істің күмәнді тұстары көп дейді. Полицейлер бойжеткеннің телефонының құпия сөзін аша алмадық дегенмен, жуырда қыздың жақындарына жазған хаттары өшіріліпті.

Марқұмның жақындары медициналық сараптама қорытындысы келіспейді. Сараптама бойынша қыз уланған. Алайда туыстары мәйітті жуындырғанда, оң көзінің маңынан соққы ізі мен астыңғы ернінің ішінен жырылып кеткенін байқаған.

Заринадан айырылып қалған әулет тергеудің әділ өтуін талап етеді.