"Көлік езгенге ұқсамайды": Аягөзде қаза болған сарбаздың жақындары ресми дерекке күмәнмен қарайды

Бейнежазбадан

Жаңалықтар
924

Абай ауданында 20 жастағы сарбаз Өсербай Ақан мерт болғандығы туралы кеше жазған болатынбыз. Бүгін оның өліміне қатысты жаңа деректер шығып жатыр, деп хабарлайды Мәдениет порталы. 

Оның туыстарына Ақанды оқу-жаттығу кезінде көп тонналық әскери көлік басып кетті делінген. Жігіт көптеген жарақаттар алып, ішкі мүшелері жарылып кеткен. 

Туыстары мәселені анықтауды талап етті. Сарбаздың өлімінің мән-жайы әлі анықталып жатыр.

Әскери ұшақ мәйітті Алматыға жеткізді. Қазір туыстары сараптамалардың қорытындысын күтіп отыр.

"Мәйітті өзім көрдім. Баламызды жауынгерлік көлік қағып кетті дейді. Адамды ондай көлік қағып кетсе, денесі езіліп кетпей ме? Бірақ сыртынан қарасаң, езілгенге ұқсамайды. Не істерімізді білмейміз, – деді Ақанның тәтесі Бану Қонақбаева.

Қорғаныс министрлігі Аягөз гарнизоны әскери бөлімдерінің бірінде шынымен де оқу-жаттығу кезінде қауіпсіздік шаралары бұзылғанын мойындады.

Оның отбасына қажетті көмек көрсетуге уәде берілді.

"Оқиғаға қатысты қызметтік тергеу тағайындалды. Қылмыстық іс қозғалды. Кінәлілер мен лауазымды тұлғалар Қылмыстық кодекс пен Қарулы Күштерінің тәртіптік жарғысы аясында тиісті жазаларын алады. Қарулы Күштер әскери қызметшінің отбасы мен жақындарына шын жүректен көңіл айтады", – деп мәлімдеді қорғаныс министрінің орынбасары Шайх-Хасан Жазықбаев.

Жаңалықтар

Топырақтың құнарлы қабатын заңсыз алып тастағаны үшін ЖШС 22 миллион теңге айыппұл арқалады, деп х...

Жаңалықтар

Боксшы, Олимпиада чемпионы Бақтияр Артаев "Асылтас" телеарнасының бағдарламасына берген сұхбатында а...