Бір уақытта 2 түрлі банктің қомақты жүлдесін ұтып алған азамат талқыға түсті

“Біз әрдайым клиенттерімізге қатысу ережелері мен шарттары туралы хабарлап отырамыз. Жеңімпаздарды кездейсоқ анықтайтын автоматтандырылған жүйені қолдану адам қателігін барынша азайтып, кез келген манипуляцияны болдырмайды. Бұл барлық қатысушының тең мүмкіндікке ие болуын қамтамасыз етеді.
Сәттілікпен Санжар Д. бірнеше банктің клиенті болып шықты. Санжар Д. конкурс шарттарын орындап, жүлде ойнатуға қатысқан. 18 желтоқсанда ол бас жүлде – 1 000 000 теңгені ұтып алды”, – деп түсіндірді банк өкілдері. 

“Банк ЦентрКредит” PR-директоры Сәкен Ниғмашев Санжардың өте сәтті адам екенін жоққа шығармайды.
“Акция нәтижелері осы жылдың 11 желтоқсанында тікелей эфирде жарияланды. Жазба біздің Instagram аккаунтымызда қолжетімді. Жеңімпазды анықтау үшін Randomlists платформасы қолданылды. 
Бұл платформа қатысушылар тізімінен кездейсоқ сандар генераторы арқылы жеңімпазды таңдауға көмектеседі. Біздің банк оны үнемі қолданады”, – деп түсіндірді Ниғмашев.