Талдықорғанда туған әкесі үш жастағы баласын аяусыз ұрып-соққан (ВИДЕО)

"Екі жыл бұрын мен осы кішкентай қызға бауыр трансплантациясына ақша жинаған едім.
Қыз туралы біз емдеуші дәрігерден білдік, отбасымен байланысқа шықтық, бірақ әкесінің жоспарына баланы құтқару кірмеген, тіпті ол бұған кедергі де келтірген! Оларды әйелімен бірге кәмелетке толмаған қызын қауіпті жағдайда қалдырғаны үшін жауапқа тартатынымызды айтып қорқытқанымнан кейін ғана, ол кішкентайын анасы екеуін Түркияға жіберді.

Қыздың жағдайы өте ауыр еді, цирроздан бөлек... Оған ешкім қарамаған, барлық мүшелерінде тері ойылуы (бөртпе) көгергенше асқынып кеткен.
Анасының көзін өз көзіммен көріп, бір нүктеге қадалған жанарынан-ақ бәрін түсіндім. «Ол сені ұра ма?» деген сұрағыма ол «иә» деп жауап берді.
Анасы да шегіне жеткен, терең депрессияда болатын.

Көп ұзамай ота жасалды, Ақжарға медицина қызметкерлері тарапынан ерекше күтім көрсетілді: бәрі қызды аяп, жуындырып, ретке келтірді. Көмекшілер оған да, анасына да киім алып берді, өмір біртіндеп түзеліп келе жатқандай болды. Жадыра бізге енді күйеуіне қайтып бармайтынын уәде еткен еді", деді фонд қызметкері.

"Осы аралықта ол маған да, қор директорының өзіне де қорқытып-қоқан-лоққы жасай бастады!!! Бұл әзіл емес!
Әуелде біз оның биполярлық бұзылысы бар шығар деп ойладық, бірақ кейін себебі — алкоголь және тек ол ғана емес екенін түсіндік...
Дегенмен, бақытымызға қарай, ол кезде Жадыра балаларымен бірге онымен тұрмаған. Түркиядан оралғаннан кейін Жадыраның анасы қайтыс болды, менің түсінуімше, дәл сол кезде мына оңбаған қайта келді. Әйел әбден күйзелген, өзі ауыр психиатриялық хәлде, оған қарсы тұрарға күші жоқ... Ол оның өзін ұратынына көндігіп кеткен... Бірақ біз көнбейміз!!!!
Мен үнсіз келдім, бірақ мұндайға үнсіз қалуға болмайды!", - деді Екатерина Доброва.