Автобуста кәмелетке толмаған қыздарға тиіскен ер адам іздестірілуде

Автобуста кәмелетке толмаған қыздарға тиіскен ер адам іздестірілуде, деп хабарлайды MadeniPortal.kz.

Оқиға Өскемен қаласында қоғамдық көлікте болған. Жолаушылардың бірі кәмелетке толмаған қыздарға тиіскен. Ал қыздар өз қауіпсіздігі үшін автобустан шұғыл түсіп қалуға мәжбүр болған. Олар тіпті өз аялдамасына да жетпеген. 

Оқиғаға автобуста отырған тағы бір жолаушы араласқан. Ол ер адамды "педофил" деп атап, басқа жолаушылардың назарын аударған. Сосын автобуста жанжал туып, төбелеске ұласуға шақ қалған. Кондуктор жанжалды ушықтырмауға тырысып, жігіттің әлгі ер адамды автобустан күштеп шығаруына жол бермеген. 

Ал полиция тексерісті бастады. Қазір олар күдікті ер адамды іздеп жатыр.