«Біз той тойлап, қонақ күткенді қатырамыз, бірақ өзіміздің азаматтардың жағдайын жасауға келгенде тарыламыз. Бейбіт уақытта үш жыл ішінде 270 сарбаз қайтыс болған. Бұған кім кінәлі? Әрине, «сыбайласқан жемқорлық»! Әскери бөлімдерді жайлаған сыбайлас  жемқорлықты көп әскери қызметкер ашынып айтқысы келеді.  Бірақ соңында өздері қудаланатынын біліп үндемейді. Қаншама қызметкер ақиқатын айтып, арыз жазып соңында өздері қудаланған. Бізде адам өліп жатса да жүйеге қарсы шығуға болмайды! Себебі жүйелі түрде мына елді жеп отырғандар көп! Бас Әскери Прокуратура! Әскери қызметкерлер “жауынгерлік кезекшілікке” демалыссыз  түсетінін  білесіңдер ме? Әскери қызметкерлерден әр сыйақыдан қолма қол ақшаларын жинап алатынын білесіңдер ме? Сарбаздардан ақша жинайтынын білесіңдер ме? Әрине, білесіңдер, арыз жазғандарды қудалап “ештеңе анықталмады” деп жылы жауып қоя саласыңдар! Кейде сендерге жемқорлықтың ашылғаны керек емес сияқты көрінеді.  Еліміздің қауіпсіздігін қорғайтын қорғаныстан ақша «жемесеңдер» болады ғой, жемқорлар!», - деп жазды заңгер әлеуметтік желіде.

«Қоғамнан талап күшейгенде мемлекет дамиды! Әншілердің ішкен-тышқанын, кімдермен жатқанын сөз қылатын халқы бар ел ешқашан дамымайды!», - деді ол.