Гольфқа арналған 20 шақты алаңның иесі өз еліндегі өтіп жатқан осы спорт түрінің жарыстарын мұқият қадағалап отырады. Бұл жолы Стэнфорд университетінің командасы Ақ үй иесін тамаша жеңісімен таң қалдырды

АҚШ президенті Дональд Трамп қазақстандық Дәулет Төлеубаевты Ақ үйіне шақырып, қонақ ретінде күтті. Төлеубаев АҚШ-та гольф сынды элиталық спортта өте жоғары жетістікке жеткен жас, деп хабарлайды Хабар 24.

Дәулет Төлеубаев - әлемдегі ең беделді Стэнфорд университетінің гольфшылар командасының мүшесі. Оның командасы жақында АҚШ пен Канададағы колледждер мен университеттерді біріктіретін Ұлттық университеттік спорт қауымдастығының (NCAA) чемпионы болды.

Американдық баспасөз Дональд Трамптың гольф спортын қатты жақсы көретінін жиі жазып, оны үнемі талқылайды. Мысалы, журналистер Трамптың президенттікке келген күнінен бастап бүгінге дейінгі жұмыс уақытының 23 пайызы гольфқа кеткенін есептеп шығарған.

Гольфқа арналған 20 шақты алаңның иесі өз еліндегі өтіп жатқан осы спорт түрінің жарыстарын мұқият қадағалап отырады. Бұл жолы Стэнфорд университетінің командасы Ақ үй иесін тамаша жеңісімен таң қалдырды. Соңғы 12 жыл ішінде АҚШ алғаш рет қазақстандық Дәулет Төлеубаев та қатысқан сенсациялық матчтың арқасында Ұлттық университеттің спорт қауымдастығының чемпионы атанды. Американың белді телеарналары жерлесіміздің тамаша ойынын да бірнеше рет қайталап көрсетіп, мәре-сәре болып жатыр.

Осыдан соң, яғни Дәулеттің тамаша академиялық және спорттық жетістіктеріне әлемнің барша жетекші университеттері назар аударды. Гарвард, Принстон, Дьюк университеті және АҚШ-тың ондаған университеттері оны оқуға шақырды. Бірақ біздің жерлесіміз Стэнфордты таңдады. Осылайша американдық бірлестіктің бірінші дивизионында өнер көрсеткен қазақстандық алғашқы спортшы қазір әйгілі Тайгер Вудс өнер көрсеткен команда құрамында жүр.

Дәулеттің жаттықтырушысы оның ойынның шешуші, ең стресстік сәттерін өте жақсы басқаратынын айтады.