Ұлытау облысында «Қаныш» фильмі көрсетілді

Басты бет > Жаңалықтар > Ұлытау облысында «Қаныш» фильмі көрсетілді

Ұлытау облысында «Қаныш» фильмі көрсетілді

Жаңалықтар 09.02.2023

910

Бүгін Kinoplexx Жезқазған кинотеатрында қазақтың көрнекті ғалымы Қаныш Имантайұлы Сәтбаевқа арналған «Қаныш» фильмінің жеке көрсетілімі өтті.

Сценарий 1926-1932 жылдар аралығындағы нақты тарихи оқиғаларға негізделген. Көрсетілімде Ұлытау облысының әкімі Берік Әбдіғалиұлы, фильмнің актерлері мен шығармашылық ұжымы, мұражайлардың қызметкерлері, қоғам қайраткерлері, журналистер мен блогерлер қатысты.

«Біз тарихи оқиғаның куәсі болып отырмыз – көрнекті ғалым, қоғам қайраткері Қаныш Имантайұлы Сәтбаев туралы фильмнің көрсетілімі. Оның күш-жігерінің арқасында Жезқазған өңірі алып елдің өнеркәсіп орталығына айналды. Бұл халқымыздың тарихындағы қаһармандық, сонымен қатар қасіретті бет болды. Сондықтан да ХХ ғасырда қазақ зиялыларымен болған оқиғалар қазіргі және кейінгі ұрпақтың жадында сақталуы тиіс.

Осындай керемет фильм түсіргені үшін бүкіл түсірілім тобына рахмет!» – деді Берік Әбдіғалиұлы.

Айта кету керек, «Қаныш» фильмінің түсірілімінің елеулі бөлігі Ұлытау өңірінің аумағында: Сәтбаев қаласында, Қарсақпай ауылында және Ұлытау ауылында өтті.

#Жаңалықтар

Бөлісу: