Компьютер мен интернеттің пайда болуы адамзаттың өмірін қалай өзгерткенін елестетіп көріңіз. Тіпті смартфонның өзі неге тұрады. 

Енді жасанды зерде де біздің барлық саламызға ендей кіріп келе жатыр.

Экономика мен өндіріс, бизнес пен маркетинг саласына онсыз да кіріп, өз орнын алып үлгерді. 

Төменде жасанды интеллекттің (ЖИ) қазақ мәдениетіне әсері қандай деген тақырыпта сөз қозғап көрейік.

ЖИ-дің қазақ мәдениеті мен әдебиетіне тікелей және жанама түрде әсер етеді және одан қашу мүмкін емес. Сондықтан, оны өз пайдамызға дұрыс жаратып, икемделе білу абзал-дүр.

Төменде бірнеше түрге бөліп, талдап көрейік.

1. Мәдени мұра және tарих:

AI-ды қазақ тарихы мен мәдени мұрасын сақтауға және зерттеуге білекті түре кірісуге болады. Мысалы, ЖИ технологиялары археологиялық және тарихи зерттеулерде, мәдени ескерткіштерді қалпына келтіруде және тарихи деректерді талдауда өз көмегін молынан тигізеді.

ЖИ-ның көмегімен қазақ әдебиетінің, әндерінің және өнерінің мұрағаттарын цифрландыру және қолжетімді ету жұмыстары жүргізілуге болады.

2. Өнер және шығармашылық:

ЖИ өнерге жаңа тұрғыдан қарауға және жаңа шығармашылық тәсілдерді қолдануға мүмкіндік береді. Мысалы, компьютерлік графикада, жаңаша музыка жазуда және дизайнда ЖИ-ның рөлі арта түсуде.

ЖИ қазақтың дәстүрлі өнер түрлерін жаңартуға және жаңа аудиторияларға танытуға көмектеседі.

3. Тіл және білім:

AI қазақ тілін оқытуды жақсартуға, соның ішінде тіл үйретуші құралдарды жетілдіруге және тіліміздегі мәліметтер базасын кеңейтуге көмектеседі.

Осы арқылы қазақ тілін үйренушілерге қол жетімділік артады және тілді сақтау және дамыту үшін жаңа мүмкіндіктер ашылады.

4. Қоғамдық өзгерістер:

ЖИ-нің өсуі қазақ қоғамындағы әлеуметтік және мәдени өзгерістерге ықпал етеді. Бұл өзгерістер қазақ жастарының технологиялық трендтерге қатынасын өзгертеді және жаңа мәдени идентификация түрлерін қалыптастырады.

5. Этикалық және заңнамалық шаралар:

ЖИ-нің дамуы этикалық және заңнамалық тұрғыдан оған дайын болуды қажет етеді, бұл қазақ мәдениетінің дәстүрлі құндылықтары мен нормаларын ескере отырып жүргізілуі тиіс.

ЖИ-нің қазақ мәдениетіне әсері осы технологияның қалай қолданылатынына және қоғамның оған қалай бейімделетініне байланысты. 

AI толқынын тиімді пайдалану үшін мәдениетті сақтау мен дамыту мақсатындағы саясат және қоғамдық диалог жүргізу, талқылау ләзім. 

Мәдениет пен өнер саласындағы мамандардың пікірін тыңдау, оған жаңаша көзқарас орнату да маңызды.

Тук-тук, жаңа заман есік қағып тұр, қалғып отырсаңыз - ояныңыз, ояу болсаңыз - осы дүние туралы талқы жасап, толқынға ілесейік.

(Фотоны осы тақырып негізінде DALL·E жасады)

Мейіржан Әуелханұлы