Баянауыл аудандық әкімдігі ақын, ағартушы Сұлтанмахмұт Торайғыровтың туғанына 125 жыл толуына орай республикалық жас ақындар мүшайрасын жариялау арқылы, жасын ғұмыр иесінің есімін ұлықтап қана қоймай, қазақ поэзиясының кейінгі ең жас өкілдерінің шабыттарына қанат бітірді. Өлең мен ақын туған топыраққа құрмет һəм қолдау танытқан "Мəдениет порталында" үміткер шығармалар бір ай бойы жарияланып тұрды. Бұл - онлайн-мүшайраның ашық əрі əділ өтуіне жəне ақпараттық насихатқа мол мүмкіндік берді, жыр додасының салмақтана түсуіне жол ашты. Топқа түскен 36 ақынның осалы жоқ. Əрқайсыы үш тақырыпта жазған жырларын ұсынды. Демек, Сұлтанмахмұт ақын жайлы, тарихы терең, табиғаты тылсам Баянауыл жайлы осыншама өлең қазақ жырының көшіне қосылды. Ал, олардың қаншалықты өмір сүретіні уақыттың еншісінде. Бастысы, жүрек тебіренді, жыр туды. 

Ақберен Елгезек, қазылар алқасының төрағасы, Қазақстан Республикасы Жазушылар Одағы басқарма төрағасының бірінші орынбасары.

Баянауыл аудандық әкімдігі мен «Мәдениет порталы» ақын, ағартушы Сұлтанмахмұт Торайғыровтың 125 жылдығына арналған «Қараңғы қазақ көгіне өрмелеп шығып күн болған...» атты республикалық онлайн-мүшәйрасының  шорт-парақшасы:

• Қарлығаш Қабай
• Ұмтыл Зарыққанұлы
• Жоламан Әйткенұлы
• Рауан Қабидолдин
• Айдана Қайсарбекқызы
• Батырхан Сәрсенхан
• Қуанышбек Шарманов
  
• Қайрат Сейтқазин
• Жарқынбек Амантайұлы
• Аян Мейраш
• Нұркен Нұрғазы
• Абай Ораз

P.S.

 Осы шорт-парақшадағы жүлдегерлер шілде айының 13-14-і күндері Сұлтанмахмұт Торайғыров ауылында тиісті орындарымен марапатталады.

madeniportal.kz