Олар сөздер әсер етпеген кезде диалог құрады, оларды ешкім көрмейді, бірақ естиді, оларсыз кинофильм...
Отандық киноактер Төлепберген Байсақалов Лос-Анджелесте марапатқа ие болды
Төлепберген Байсақалов, актер
Қазақстандық актер Төлепберген Байсақалов «От» фильміндегі бейнесі үшін Asian World Film Festival (Лос-Анджелес) кинофестивалінде «Ең үздік ер адамның рөлі» марапатына ие болды.
Дүниежүзілік Азия кинофестивалі (AWFF) жеті жыл қатарынан өткізіліп келеді. Бүгінде өнер мерекесі Голливуд пен азиялық ойын-сауық индустриясы арасындағы байланысты нығайтып отыр. Биыл фестиваль байқауына 20-дан астам елден 30 фильм қатысты
«От» фильмінің әлемдік премьерасы Пусандағы Халықаралық кинофестивальде өтті. Комедия элементтері бар әлеуметтік драманың режиссері – режиссер Қанымбек Қасымбековтың қызы Айжан Қасымбек. Жоба ұлттық киноны қолдау мемлекеттік орталығының қаржыландыруына грант ұтып алды.

Еске түсірсек, Төлепберген Байсақалов 2008 жылы Канн кинофестивалінде «Ерекше көзқарас» номинациясында Гран-при алған «Қызғалдақ» («Тюльпан») фильмінде басты рөлдердің бірін сомдаған болатын.