Алматыда Kitap Fest Kids 2022 кітап фестивалі жоғары деңгейде өтті

Ауқымды шара  Алматы қаласы әкімдігінің қолдауымен 2013 жылдан бері жыл сайын өткізіліп келеді.

Биылғы KITAP FEST балалар жылына сәйкес келді. Қазақстандағы балалар жылына арналған жобаның басты мақсаты да-оқырман мәдениетін дамытып, жазушылар мен олардың оқырмандары үшін бірыңғай алаң құрып, балалар мен жастар арасында кітапқа деген қызығушылықты арттыру.

8 жыл ішінде Kitap Fest Алматының кітап сүйер қауымы үшін ғана емес, барлық қазақстандықтар үшін сүйікті алаңға айналды.  2019 жылы біз фестивальді елордада өткіздік және жыл сайын мүмкіндіктер шекарасын кеңейтіп, үздіксіз дамуға ұмтыламыз. Жақын арада кітап фестивалін еліміздің басқа қалалары мен өңірлерінде де өткізуді жоспарлап отырмыз, өйткені оған үлкен қызығушылық пен сұраныс бар, - деді Kitap FEST кітап фестивалінің бас үйлестірушісі Майра Әлжанова. 

10 сағаттық Kitap FEST фестивалінің мәдени бағдарламасында – фестиваль қонақтары әкелінген кітаптармен өзара алмасуға, ұнаған кітаптарды жеңілдікпен сатып алуға немесе оларды толығымен тегін алуға мүмкіндік алды. Биылғы кітап фестивалінде әр түрлі жанрдағы 3000-нан аса кітап тегін таратылды.

Фестивальде 30-ға жуық жазушылар олардың ішінде: Ермек Тұрсынов, Әсел Сапақова, Лиля Калаус, Константин Нагаев және басқа да көптеген авторлар өздерінің жаңа кітаптарын таныстырды. Қаламгерлер қазіргі әдебиеттегі өзгеріп жатқан тенденция туралы өз ойларымен бөлісті. «Офлайн кітаптар туралы» шатырда танымал балалар жазушылары және блогерлер қауымы өз тәжірибелерімен бөлісті. Кітап жәрмеңкесінде кітап дүкендері, баспагерлер және интернет-дүкендері өз өнімдерін көрмеде 20% - ға дейінгі жеңілдікпен сатты. Балаларға арналған ойын-сауық бағдарламасы аясында аниматорлар, театр қойылымдары, шеберлік сыныптары, аквагрим мен түрлі қызықты байқаулар келген қонақтарға тамаша көңіл-күй сыйлады.

Сондай-ақ, фестивальде алғаш рет «Ауылға кітап» акциясы өткізілді, онда кез-келген оқырман өз кітабын әкеліп,Қазақстанның ауылдық кітапханаларына тапсыруға ат салысты.

Белгілі қазақстандық жазушы және сценарист Лила Калаус Бату мен оның достарының шытырман оқиғалары туралы жаңа кітабын ұсынды. Жазушының пікірінше, Kitap Fest шығармашылық кездесулер үшін беделді және қуатты алаңға айналды.

Қазақ тілді кітаптардың ассортименті кеңейіп келе жатқаны қуантады. Соңғы жылдары көп әдебиет қазақ тіліне аударылды. Бұл әрине қазақстандық кітап баспаларының жаңалығы емес, бірақ мені сапа деңгейін ерекше атап өткен жөн. Қазақ тіліндегі кітаптардың көптігі өте жақсы, біз өте дұрыс және дұрыс бағытта келе жатырмыз, – дейді жазушы.

Фестивальде «Мама, қазақша сөйлеші» орыс-қазақ сөздігінің және қазақ тіліндегі балаларды дамыту кітаптарының авторы Әсел Сапақова баланың жеке басының дамуындағы әдебиеттің рөлі туралы айтып берді.

Ұйымдастырушыларға осындай керемет іс-шара үшін алғыс айтқым келеді.Биыл  фестивальде халық саны көп болды,біздің мақсатты аудиториямыздың көп бөлігі келді десек те болады. Барлық кітаптар дерлік сатылды. Осындай шаралардың өркендеуін және кітапсүйер қауымның қатары артсын деп тілеймін,- деп атап өтті жазушы.

Kitap FEST фестивалі Алматыда 8 жыл қатарынан өткізіліп келеді. 2019 жылы ол алғаш рет бас қала Астана қаласында өтті. Ұйымдастырушылар фестивальді Қазақстанның барлық ірі қалаларында өткізуді жоспарлап отырғанын айтады.