«АҚ ОРДАЛЫ – АСТАНАМ» ХАЛЫҚАРАЛЫҚ ПОЭЗИЯ КЕШІ

Астана қаласының 20-жылдық мерейтойына орай ағымдағы жылдың екінші жартысында әлем ақындарының қатысуымен «Ақ ордалы – Астанам» Халықаралық поэзия кеші өткізіледі. Аталмыш іс-шараға шетелдік ақындармен қатар Отандық әдебиет әлемінің майталмандары, бүгінгінің ақиық ақындары ат салыспақ. Қатысушыларға қойылатын басты талап – авторлық туындыларының арасында өзінің тілінде Қазақстан, Астана немесе Елбасы турасындағы тақырыптың қозғалуы және олардың қазақ, ағылшын, орыс тілдеріне, сондай-ақ БҰҰ мақұлдаған ресми шет тілдеріне аударылуы. Іс-шара барысында елорда концерт залдарының бірінде поэзия кешінің ұйымдастырылып, «Рухани Жаңғыру» бағдарламасы аясында «Әлем ақындары Қазақстан жайында» немесе «Ақ ордалы – Астанам» атты жинақ шығарылады.

Өтетін орны: «Қазақстан» ОКЗ

Күні: 30 тамыз

Уақыты: 18:00

Кіру тегін