«Әкемнің шенін пайдаландым»: Полковниктің қызы желі қолданушыларына сырын ақтарды (ВИДЕО)

Әлеуметтік желіде таралған бейнежазбада полковниктің қызы өзінің өмір жолы мен әкесінің шенін қалай пайдаланғанын ашық мойындап, қолданушылардың қызу талқысына түсті, деп хабарлады MADENIPORTAL.KZ .

Instagram платформасында atybarulina есімімен танымал кәсіпкер қыз балалық шағын еске алды. Кей кездері әкесінің шендік қызметін пайдаланғанын да жасырмады.

"... Біз ағам екеуміз бала күнімізден спортқа жақын болдық.
Мүмкін, әкем айтпайтын жайттарды білген шығар, біз өзімізді қорғай алсын деді ме екен...

Иә, мен әкемнің шенін көп жылдар бойы пайдаландым.

Кейде жай ғана тегімнің арқасында сытылып кететінмін.

Үйде үнемі тәртіп, тәрбие мен тазалық болатын.

Сенімге жету үшін нәтиже көрсету керек еді.
Солай мен өмірлік сенімге ие болдым. Енді әкем:
«Қызым, сенде жасыл жарық – істей бер» дейді. Бала күнімде бұл бәрін түсінбедім. Ренжитінмін, қарсы шығатынмын – неге бәрі қатаң, неге еркіндік жоқ?
Ал қазір түсіндім: бұл – болашаққа берік негіз болған екен. Мені берік, мықты етіп тәрбиеледі. Әке-Ана, Рақмет!", - деп жазды кәсіпкер Гүлсана.

Желі қолданушылары видеоға түрліше пікір білдіріп жатыр. Бірі оның шыншылдығын жоғары бағаласа, енді бірі мұндай жағдайлардың әлі күнге дейін кең таралғанын айтып, алаңдаушылық білдіруде.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Gulsana Atybarulina (@atybarulina)