Астана әуежайы жөндеу жұмыстарынан кейін жұмыс кестесін қайта өзгертуде

Астана халықаралық әуежайы ұшу-қону жолағын ауқымды жөндеу жұмыстары аяқталғаннан кейін қалыпты жұмыс режиміне қайта оралды, деп хабарлады MadeniPortal.kz.

1 маусымнан бастап барлық рейстер кестеге сәйкес орындалып, әуе кемелеріне қызмет көрсету уақытша шектеулерсіз жүзеге асырылуда, деп хабарлайды Liter.kz.

Жөндеу жұмыстары 15 сәуір мен 31 мамыр аралығында жүргізілді. Бір жарым ай бойы ұшу-қону жолағы күн сайын сағат 10:00-ден 18:00-ге дейін жабылып отырды, бұл рейстер кестесіне өзгерістер енгізуді талап етті. Кейбір рейстер таңертеңгі және кешкі уақыттарға ауыстырылды.

«Жөндеу барысында аэродром қызметінің мамандары ұшу қауіпсіздігінің жоғары деңгейін және аэродромның пайдалану сенімділігін қамтамасыз етуге бағытталған кешенді шараларды жүзеге асырды. Атқарылған жұмыстар аэродром инфрақұрылымының пайдалану сенімділігін арттырып, ұшу қауіпсіздігінің жоғары деңгейін сақтауға мүмкіндік берді», – деп хабарлады әуежайдың баспасөз қызметі.

Астана халықаралық әуежайы жөндеу жұмыстары кезеңінде түсіністік танытқан жолаушылар мен әуе компанияларына алғыс білдіріп, халықаралық қауіпсіздік және қызмет көрсету сапасы стандарттарына сәйкес аэродром инфрақұрылымын жетілдіру жұмыстарын жалғастыратынын мәлімдеді.