Берік Уәли Абай облысының жаңа әкімі болуы мүмкін

Orda.kz әлеуметтік желіде тараған Абай облысын әкімінің бос лауазымына президенттің кеңесшісі әрі баспасөз хатшысы Берік Уәлидің кандидат ретінде ұсынылатыны туралы ақпаратты анықтады, деп хабарлайды madeniportal.kz.

Оның қарсыласы кім болатынын әзірге білмейміз, бірақ аты-жөні белгісіз болғанына қарағанда, Берік Уәли сайлауда жеңіске жетеді. Әйтпесе, президентпен бірге жұмыс істеген адамды ұсынудың жөні жоқ еді. 

Дүйсенбі, 17 ақпанда Абай облысы мәслихатының депутаттарына әкімдікке кандидаттарды ұсынады. Заң бойынша кемінде екі үміткер болуы керек.

Берік Уәли 48 жаста, Семей облысында дүниеге келген. Білімі бойынша ол кинотанушы, журналист және заңгер.

«Таң», «НТК», «31 арна», «Хабар», «Қазақстан» ТРК сынды қазақстандық бұқаралық ақпарат құралдарында қызмет атқарды, «Нұр Отан» партиясы жанындағы сыбайлас жемқорлыққа қарсы медиа орталығын басқарды.

Әр жылдары «Нұр Отан» партиясы төрағасының бірінші орынбасарының кеңесшісі болып және ҚР Инвестициялар және даму министрлігінде қызмет атқарды.

2019 жылы Берік Уәли Қазақстан Республикасы Президентінің баспасөз хатшысы болып тағайындалды, ол бұл қызметті 2022 жылға дейін атқарды. 2022-2023 жылдары «Хабар» агенттігі» АҚ басқарма төрағасы болды.

2023 жылы Тоқаевтың баспасөз қызметіне қайта оралды. 12 қыркүйекте мемлекет басшысының өкімімен ол Қазақстан Республикасы Президентінің кеңесшісі – баспасөз хатшысы болып тағайындалды.