«Сахнаны тастап, саясатқа неге келді?»: Тамара Асар жауап берді

Соңғы уақытта әнші Тамара Асарға «Саясатқа неге келдіңіз?», «Сахнаны саясатқа неге ауыстырдыңыз?» деген сауалдар жиі қойылып жүр. Өнер иесі бұл сұрақтарға әлеуметтік желідегі жазбасында жауап беріп, саясатқа келуін өмір жолымен және өзі жақсы білетін әлеуметтік мәселелермен байланыстырды, деп хабарлады MadeniPortal.kz.

Тамара Асардың айтуынша, оны сахнаға да, саясатқа да өмірдің өзі алып келген.

Ол өз өміріндегі ең үлкен сынақтардың бірі — аяқтан айырылғаннан кейін қайта жүруді үйренуі болғанын атап өтті.

Ал оның айтуынша, жан жеңісі — сол қиындықтарға қарамастан сахнаға қайта шығып, ән айту және өнері арқылы өзгелерге қуаныш сыйлау.

Тамара Асар инклюзия, оңалту және протездеу мәселелерін сырттай бақылап қана қоймай, осы бағыттағы жұмыстарға белсенді араласуға шешім қабылдағанын жеткізді.

Өнер иесі протездік жүйенің адам өміріне қаншалықты әсер ететінін өз тәжірибесінен жақсы білетінін айтып, бұл мәселені кеңінен көтергісі келетінін жеткізді.

Қазір оның басты мақсаты — халықпен кездесіп, азаматтардың мәселесін тыңдау, сала мамандарымен сөйлесу, қолданыстағы жүйені жан-жақты түсіну және жинақталған тәжірибені нақты іске айналдыру.

Әнші өзінің бұл ұстанымдары туралы сайлауалды кезеңде берген сұхбаттарында толық жауап айтқанын да атап өтті.