Шахтада қаза болған кеншілердің аты-жөні белгілі болды

Шығыс Қазақстан облысының кенішінде қаза болған кеншілердің аты-жөні жарияланды, деп хабарлады madeniportal.kz Азаттық рухына сілтеме жасап.

Еңбек және халықты әлеуметтік қорғау министрлігінің хабарлауынша,  4 адам қаза тапқан топтық жазатайым оқиғаны тексеру үшін арнайы комиссия құрылды.

Жазатайым оқиға осы жылдың 31 тамызында болған. Сағат 16.25-те Шығыс Қазақстан облысы Алтай кентінде, «Востокцветмет» ЖШС Ертіс кенішінің «Ертіс» шахтасында ауысым кезінде белгісіз затпен улану белгілері бар 4 жұмыскердің денесі табылды.

«Востокцветмет» ЖШС екі қызметкері:

• ұңғымашы А. Б. Бақытов, 1894 ж. т.;
• ұңғымашы А. Б. Кеңесбаев, 1989 ж. т.

«Шахтстрой Инжиниринг» ЖШС мердігер ұйымының екі қызметкері:

• ұңғымашы А. Т. Жайрғазин, 1978 ж. т.;
• ұңғымашы А. К. Құсайынов, 1983 ж. т.

«Востокцветмет» ЖШС-нің тағы бір жұмыскері, ұңғымашы А.К. Қамбаров ауруханаға жатқызылды.

Комиссия жазатайым оқиғаның себептерін анықтайтын болады.