Шымкентте 13 жасар оқушы атпен бірге бес метрлік шұңқырға құлады

Фото: ТЖМ

ЖАҢАЛЫҚТАР
732

Шымкент қаласында жасөспірім атпен серуендеп жүріп, тереңдігі бес метр болатын шұңқырға құлап кетті. Оқиға орнына құтқарушылар дереу жетіп, баланы және жануарды аман алып шықты, деп хабарлайды MADENIPORTAL.KZ Төтенше жағдайлар министрлігіне сілтеме жасап. 

Төтенше жағдай Абай ауданына қарасты «Алтынтобе» тұрғын алабында болған.

  • 2012 жылы туған жасөспірім атқа мініп жүргенде абайсызда шұңқырға құлап түскен.
  • Ат та баламен бірге шұңқырға құлаған.

Құтқарушылар арнайы альпинистік құралдарды қолданып, баланы жоғары көтеріп алды. 

Ат жергілікті әкімдік қызметкерлерінің көмегімен автокран арқылы шығарылды. Жануар иесіне аман-есен тапсырылды.

Құтқарылған бала дереу дәрігерлерге тексеруге берілді. Қазіргі мәлімет бойынша, оның өміріне қауіп жоқ. 

«Бірлескен жедел әрекеттердің арқасында жағдай сәтті аяқталды. Барлық қызмет үйлесімді жұмыс істеп, жасөспірім мен ат аман қалды», – делінген ТЖМ хабарламасында. 

ЖАҢАЛЫҚТАР

Алматы – Орталық Азиядағы ең жылдам өсіп жатқан туристік хаб, деп хабарлайды MadeniPortal.kz.А...

ЖАҢАЛЫҚТАР

15 жастағы қызылордалық қызды 21 жастағы колледж студенті бірнеше рет зорлаған. Жәбірленуші жігітпен...