V $ X V PRiNCE - Қазақстанның жыл әртісі

Жыл әртісі – V $ X V PRiNCE

V $ X V PRiNCE Қазақстанның музыкалық сахнасының жарқын символына айналды. Оның шығармашылығы шынайылық пен жаңашыл көзқарасты ұштастырып, миллиондаған тыңдармандарды өзіне баурады. «Вкусный» атты альбомы Жыл Альбомы атағын жеңіп алып, нағыз жаңалық болды. Әртістің тректері чарттардың жоғарғы орындарынан түспей, оның танымалдылығын арттыра түсті. Сонымен қатар, V $ X V PRiNCE «Лайктардың көшбасшысы» атанып, миллиондаған қолданушы оның композицияларын жеке коллекцияларына сақтады.

Жыл әртісі — Say Mo

Say Mo — Қазақстан сахнасының ең жарқын өнерпаздардың бірі. 2024 жылы оның тректері платформада хитке айналды, ал ірі жобаларға қатысу оның тыңдаушылар арасындағы танымалдылығын арттырды. Оның шығармашылығы әрқашан қызығушылық тудырады және жанкүйерлерді шабыттандырады.

Жыл тобы – «Ирина Кайратовна»

«Ирина Кайратовна» шығармашылық тобы Қазақстанның музыка индустриясындағы көшбасшылық мәртебесін тағы да дәлелдеді. Олардың «Айдахар» трегі рекордтық уақыт бойы жоғарғы орында қалып, «Чарт бағындырушы» атағына ие болды.

Жылдың ең үздік тректері мен релиздері

• Жыл трегі — Jazzdauren-нің «Дарите женщинам цветы» әні.

• Жыл альбомы — V $ X V PRiNCE-тің «Вкусный» альбомы.

• Жылдың тез танымал болған хиті — Sadraddin-нің «Melodrama» трегі.

• Караоке-хит — Скриптонит пен FEDUK-тың «Аста ла виста» трегі.

Жылдың Искрасы және жас әртістер

ISKRA Qazaqstan жобасы «Менің толқыным» арқылы танылған әртістерді атап өтті. Мысалы, Jazzdauren «Жылдың Искрасы» атағына ие болып, тыңдалымдарын үш ай ішінде 24 000-нан 5 миллионға дейін ұлғайтты. inaleryy «Жыл Фрешмені» атанып, эмбиент жанрындағы ерекше дыбысы арқылы тыңдармандардың жүрегін жаулап алды. Оның музыкасы атмосферасымен және тереңдігімен ерекшеленіп, қазақстандық музыкалық сахнадағы жаңа есімдер арасында көзге түсті.

Арнайы марапаттар

• Лайктар көшбасшысы — V $ X V PRiNCE.

• Чарт бағындырушы — «Ирина Кайратовна» тобының «Айдахар» трегі.

• Менің толқыным хиті — Wallem мен Mult96-ның «Она безумна» трегі.

• Редакция таңдауы:

• Жыл әртісі — 6ellucci, ерекше стилімен танылып, ISKRA Qazaqstan плейлистіне енген хип-хоп тобы.

• Жыл релизі — Ayau-дың «AYAULYM» альбомы, музыкалық жылдың айнасы болған туынды.

• Жыл подкасты — «Dope söz / Дөп сөз», онда Қазақстан қоғамындағы өзекті мәселелер қозғалады.

Яндекс Музыка 2024 жылы қолдау көрсеткен тыңдармандарына алғыс айтып, 2025 жылы жаңа музыкалық жобалар мен трендтерді бірге ашуға шақырады. Платформада арнайы «Жыл қорытындылары» бөлімінде басты номинациялардың жеңімпаздарын, жанрлар бойынша топ-100 тректерді, редакция таңдаған жылдың үздік релиздері мен альбомдарын көруге болады. Сонымен қатар, сервис жазылушылары өздерінің жылдық музыкалық тарихын біліп, сүйікті әртістерінің жетістіктерін олардың Яндекс Музыкадағы профилдерінен аша алады.