Бір жыл бойы баланы ұрып келген логопедке ешқандай күмән болмаған

Қарағандыда бір жыл бойы логопедке барып жүрген баланың ата-анасы шындықты ойламаған жерден білді, деп хабарлайды MadeniPortal.kz.

Айтуларынша, сабақ соңына таяғанда әкесі баласының немен айналысып отырғанын көру үшін телефонды жоғары көтеріп, кабинеттегі шағын терезе арқылы видео түсірген. Сол сәтте жазбада логопедтің баланы басынан ұрғаны анық көрінеді. 

Ата-ананың айтуынша, осы уақытқа дейін ешқандай күдік болмаған. Олар логопедке толық сеніп келген. Видео көрген кезде отбасы үлкен шок алғанын айтады.

Оқиға болған бойда ата-аналар баласын сабақтан алып кеткен. Логопед жағдайды түсіндіре алмаған. Кейін ол хабарласқанымен, ата-ана жауап бермегенін, алайда маманның бірде-бір жазбаша түсініктеме немесе кешірім сұрамағанын жеткізді.

Ата-ана бұл жағдайды жариялауға мәжбүр болғанын айтады. Себебі осы логопедке күн сайын көптеген балалар келеді. Мұндай әрекет басқа балаларға жасалды ма, жоқ па — белгісіз.