«Қоғамдағы өзгеріс өзіңнен басталады»: Жастар санасын өзгертудегі жаңа көзқарас

Жаңа Адамдар қозғалысының белсендісі Әлем Әліпбаев бұл ойды нақты мысалмен жеткізді:

«Азаматтық науқандар туралы айтпас бұрын мәселеге тереңірек үңілуіміз қажет. Әрбір мәселенің өзінің себебі және салдары болады. Яғни, далада жатқан қоқыс ол – салдар. Оның себебі – бір адамның барып ол қоқысты лақтырғанында. Ал, біз ол мәселені қалай шешуімізге болады? Далада күн сайын шығып қоқыс жинасаң да, адамдар қоқыс лақтыруын доғармайынша дала тазармайды. Яғни, мәселенің салдарымен күресудің көп мәні жоқ, біз мәселенің себебінен бастауымыз қажет. Біз азаматтық науқандарымыз осы туралы», – деді ол.

Жаңа Адамдар қозғалысының баспасөз қызметінің өкілі Нұрай Өмірзақова 2022 жылы Президентпен өткен кездесуді еске алды:

«2022 жылы президентпен кездескен кезде, бүкіл қоғамның, жастардың санасын өзгерту мәселесі көтеріліп, бірінші азаматтық науқандар тақырыбы айтылған болатын. Жаңа Адамдар бұл тек қана шара емес, нақты әрекеттер орындалатын кеңістік екенін байқай аламыз. Сонымен қатар, біз де Жаңа Адамдар белсенділері ретінде өзгерістерден қорықпайтын елді өзгертетін жас азаматтар екенімізді дүйім жұртқа жария еттік», – деді ол.

«Музыка – жүрек тілі деген сөз бар. Сәйкесінше, музыка арқылы адам қарапайым тілмен жеткізе алмайтын ұстанымдарды бөлісе алады. “Жаңа ритмге қосыл” азаматтық науқаны үш акция өткізді. Акциялар барысында дауылпаздар фестивальі болды, 200-ге жуық дауылпаздарымыз қатысты».