Алматы хайуанаттар бағында екі қонжық дүниеге келді. Зообақ қонжықтар есіміне байқау жариялады, деп...
Мәжіліс депутаттары су тасқынынан зардап шеккен өңірлерге барды
Фотосурет: Ашық дереккөзден
312
Жұма, 29 наурыздан бастап Мәжіліс депутаттары су тасқынынан зардап шеккен аймақтарға барды. Депутаттар халықпен кездесіп, қажетті көмек көрсетуді қадағалауда. Еріктілердің жұмысын үйлестіріп, қажет болған жағдайда гуманитарлық көмектің жеткізілуін қамтамасыз етуде, – деп хабарлайды madeniportal.kz.
Мәжіліс депутаттары Айна Мүсірәлімова мен Юлия Кучинская Ақмола облысындағы Қоянды кенті мен Көкшетау қаласында болып, су тасқыны жағдайымен танысты, жедел штабтарды аралап, өңір тұрғындарымен кездесті.
– Әрине, қазір басты міндет – адамдардың қауіпсіздігін қамтамасыз ету. Азаматтардың материалдық шығынын мүмкіндігінше азайту. Ол үшін Төтенше жағдай, Қорғаныс, Ішкі істер министрліктері мен әкімдіктердің күштері жұмылдырылып, елді мекендердің тұрғындарынан құралған еріктілер жұмыс істеп жатыр. Жедел штабтар, ақпарат алмасу үшін және қажеттіліктер туралы өтініштер жіберу үшін арнайы чаттар құрылды, – деді Юлия Кучинская.
Жұма күні Мәжіліс депутаттары Мақсат Толықбай, Қазыбек Әлішев пен Асқар Садықов Ақтөбе облысына барды. Олар Қобда ауданының тұрғындарымен кездесті. Мақсат Толықбай ауылды су басу жыл сайын қайталанатынын атап өтті.
– Өткен жылы да ауылды су басқан. Ол кезде біз осында келген едік, мемлекеттің көмегімен зардап шеккендерге арналған бірнеше үйді қалпына келтірдік. Бірақ тиісті қорытынды жасалған жоқ. Биыл сол үйлердің шатыры ғана көрінеді. Барлығы су астында қалды, – деді Мақсат Толықбай.
Сонымен қатар депутаттар Ақтөбе қаласындағы жағдайымен де танысты.
Сенбі күні Мәжіліс депутаттары Аманжол Әлтай мен Ерболат Сатыбалдин Ұлытау облысының Жезді ауылына барды. Мәжілісмендер су тасқынынан зардап шеккен тұрғындармен кездесіп, жергілікті жердегі ахуалмен танысты, сондай-ақ зардап шеккен үйлерді аралады. Үйлердің көбі қалпына келтіруге келмейді.
– Су астына кеткен үйлер мен аулаларды араладық. Залалдың орнын толтыру және салдарын жою үшін қажетті қаражат бөлінеді. Жарамсыз болып қалғандардың орнына жаңа үйлер салу мәселесін қарастырамыз, – деді Аманжол Әлтай.
Сенбі күні Мәжіліс депутаттары Нартай Сәрсенғалиев пен Сергей Пономарев Батыс Қазақстан облысында болып, су тасқынынан зардап шеккен Теректі ауданы Аңқаты ауылының тұрғындарымен кездесті.
– Біз аудандық әкімдікпен бірлесіп жұмыс істейміз. Комиссия мүшелері үйлердің бәрін су басқаннан кейін емес, қазіргі жағдайын бағалайды. Ахуал толығымен тұрақтанғанша біз ауыл тұрғындарының қасында болып, жағдайды бақылауда ұстаймыз, – деді Нартай Сәрсенғалиев.
Мәжіліс депутаты Еркін Әбіл Арқалық қаласының тұрғындарымен кездесті. Мәжілісмен су тасқынының салдарын жою жұмыстары әлі де жалғасып жатқанын атап өтті.
– Жағдай мемлекет бақылауында, қазір ахуал тұрақтанды, бірақ үйлер су астында қалды. Салдарын жою бойынша жұмыс жалғасуда. Барлық залал өтелетін болады, – деді депутат.
Сондай-ақ Еркін Әбіл Қостанай облысының Амангелді және Жангелдин аудандарында болып, жергілікті тұрғындармен кездесіп, зардап шеккен үйлерді аралады. Одан әрі депутаттар облыс орталықтарына баруды жоспарлап отыр.
Спорт
Қазақстандық жартылай қорғаушы Бақтиер Зайнутдинов ойнайтын «Бешикташ» клубы Түркия Супе...
Жаңалықтар
Трансгендер, блогер Амилай көшеде ер балалармен төбелесіп, ұсақ бұзақылық жасағаны үшін 7 тәулікке қ...
Оқи отырыңыз
Аймақтар
Алматы зообағында екі қонжық дүниеге келді
Аймақтар
Атырауда терроризмді насихаттаған 17 жастағы азамат ұсталды
15 ақпанда ҰҚК прокуратура органдарының үйлестіруімен терроризмді, соның ішінде әлеуметтік желілер а...
Аймақтар
Шымкент әкімі коллектор апатынан баспанасы бүлінген зейнеткерге үйдің кілтін табыстады
Шымкент қаласының басшысы Ғабит Сыздықбеков коллектор апатынан баспанасы бүлінген зейнеткерге үйдің...
Аймақтар
Премьер-Министр Түркістан облысындағы өнеркәсіп саласының дамуымен танысты
ҚР Премьер-Министрі Олжас Бектенов Түркістан облысына жұмыс сапары аясында Кентау қаласындағы жылу о...
Аймақтар
Түркістан облысында жаңа өрт сөндіру депосы пайдалануға берілді
Төлеби ауданының орталығы Ленгір қаласында заманауи талапқа сай 4 автокөлікке арналған өрт сөндіру д...
Аймақтар
Шымкентте автобустар 2 күн халыққа тегін қызмет көрсетеді
21-22 наурыз мереке күндері қалалық қоғамдық көліктерде Шымкент қаласының тұрғындары мен қонақтары т...
Аймақтар
Павлодардағы мектеп асханасында тамақтан құрт шықты
Павлодарда мектеп асханасында берілетін тамақтан құрт шыққан. Асхананы жалға алып отырған 5 кәсіпкер...
Аймақтар
СҚО-да 1,7 млрд теңгеге заңсыз балабақша салынбақ болған
Прокуратура жүргізген арнайы іс-шаралардың нәтижесінде Солтүстік Қазақстан облысындағы күмәнді мемле...