Мәскеуде бұрын істі болған ер адам өз қызын зорлады, деп хабарлады MADENIPORTAL.KZ.
Ресей Федерациясы Тергеу комитетінің Мәскеу қаласы бойынша Бас тергеу басқармасына қарасты Шығыс әкімшілік округінің Перовоаралық тергеу бөлімі жергілікті тұрғынға қатысты Қылмыстық кодекстің 131-бабы 1-бөлігі (зорлау) бойынша қозғалған қылмыстық істі тергеп аяқтады.
Тергеу мәліметінше, 2025 жылғы 13 сәуірде күдікті мас күйінде Мәскеу қаласындағы 1-Владимир көшесінде орналасқан үйдің пәтерінде 27 жастағы туған қызын зорлаған.
Күдіктіге қатысты тергеу амалдары жүргізіліп, оған ресми түрде айып тағылып, бұлтартпау шарасы ретінде қамауға алу түрі қолданылды.
Сондай-ақ тергеу барысында оның бұған дейін адам өліміне себеп болған аса ауыр қылмыс жасағаны үшін сотталғаны анықталды.
Мәскеу тергеушілері қысқа мерзім ішінде қажетті тергеу әрекеттерінің кешенін жүргізіп, сот-медициналық сараптамалар қорытындыларын алды. Сарапшылардың қорытындысы басқа да дәлелдемелермен бірге күдіктінің кінәсін толық дәлелдейді.
Тергеу органының мәліметінше, жинақталған айғақтар жеткілікті болғандықтан, қылмыстық іс мәні бойынша қаралу үшін сотқа жолданды.
