Нұрсұлтан қаласындағы Достық үйі шаһардың көрікті ғимараттарының бірі болып саналады. Ол Елорданық 20 жылдық мерейтойында Маңғыстау облысының сыйға тарқан тартуы. Достық үйін сол кезде Елбасы Нұрсұлтан Назарбаев өзі келіп ашқан болатын.

«Биылғы Жастар жылына орай Нұр-Сұлтан қалалық Достық үйі жаңадан құрылып жатқан жастар театрымен бірлесе көптеген мәдени шараларды жоспарлап отыр. Бұл тек Жастар жылында ғана емес, Достық үйлерінің бұрыннан бері келе жатқан дәстүрлі үрдісі деп айтуға болады. Біз көптеген ұлт өкілдеріне қарашаңырақ болып отырған еліміздің бейбіт те берекелі өмірін одан әрі гүлдендіре түсу үшін қызмет етіп келеміз. Сондықтан осындай өнерлі жастарға қолдау көрсету біздің басты міндеттеріміздің бірі деп білеміз», - деп атап өтті Ләззат Сейітқазықызы. 

«Еуропа елдерінде театр мәдениеті ерекше дамығандығынбарлығымыз жақсы білеміз. Көршілес Ресейдің астанасында 500-ге жуық театр болса, біздің елордамызда бас-аяғы он шақты ғана театр бар. Біз сонау студенттік кезден заманауи театр ашуды армандадық. Жаңа заман талғамына сай қойылымдарымыз жастарға ерекше ұнап жүрді. 2018 жылы студент болсақ та, халықаралық «Samgau» театр фестивалінде әлемнің әйлілі театрларымен бақ сынасып, дипломант атандық. Бұл біз үшін үлкен мотивация болды десем, артық айтқаным болмас. Сол жылы Мәскеуде өткен Н.В.Карпов атындағы сахнадасемсерлесу сайысынан «Күміс шпага» халықаралық театр фестивалінде Президент жүлдесін қанжығамызға байладық. Бүгінгі таңда 16 актердан құралған театр труппасы ашылу премьерасына дайындық үстінде», - дейді астаналық заманауи театрдың көркемдік жетекшісі Батырхан Сабыр.