Бүгін Павлодар облысының түкпір-түкпіріндегі тұрғындар сенбілікке бірыңғай еңбек қарқынымен шықты. Экологиялық іс-шараларға жүздеген қатысушылар жиналды, олардың арасында жергілікті билік, қоғамдық ұйымдар, студенттер, белсенділер және жай ғана бей-жай азаматтар бар. Барлығы 20-дан астам түрлі акциялар өтті, деп хабарлайды madeniportal.kz тілшісі облыс әкімдігінің баспасөз қызметіне сілтеме жасап.

Павлодар қаласында Павлодар облысы  Жастар ассамблеясының бастамасымен «greenpvl» экоклубының тұсаукесері өтті. Презентация қатысушыларына қоршаған ортаны қорғаудың маңыздылығы туралы айтылды. Павлодардың белгілі эколог ғалымдары сөз сөйледі. Тұсаукесер соңында жастардың экологиялық санасын қалыптастыруға бағытталған деректі фильмдер көрсетілді.

Жастарды экологиялық мәдениетке және табиғат пен еңбекке жауапкершілікпен қарауға тәрбиелеу мақсатында облыс орталығында Павлодар қаласының Жастар бастамаларын дамыту орталығының еріктілері мен қызметкерлерінің бастамасымен қалдықтарды бөлек жинау мен қайта өңдеуді енгізуге бағытталған «ЭкоДесант» экологиялық акциясы ұйымдастырылды. Акция аясында бір топ эковолонтерлер күні бойы ластанған көшелерді, аулаларды, саябақтар мен алаңдарды қоқыстарды тазарту үшін аралап шықты. Сонымен қатар, ЭКОДЕСАНТ СОО мен адамдар көп жиналатын орындарға барып, облыс орталығының тұрғындарына қалдықтарды бөлек жинауға және қайта өңдеуге халықты тарту туралы ақпараттық буклеттер таратты.

Ақсу қаласында «Таза Қазақстан» республикалық акциясы аясында жастар, кәсіпорын қызметкерлері мен жұртшылықтың қатысуымен «Таза жағалау» экологиялық акциясы өткізілді. Акцияның негізгі лейтмотиві-су айдындарының жағасында санитарлық тәртіпті сақтау, қоғамдық белсенділікті дамыту және халықтың табиғатқа ұқыпты қарауы.

Усолка шағын ауданының шаңғы базасында 200-ден астам жастардың қатысуымен «Жасыл ел» студенттік құрылыс және жастар отрядтарының Павлодар штабы ұйымдастырған «Jasyl party» жастар экологиялық тимбилдингі ауқымды өтті. Тимбилдинг аясында жастар база аумағын қоқыстардан тазарту бойынша сенбілік өткізді және аяқталғаннан кейін олар үшін көңілді старт түрінде белсенді демалыс ұйымдастырылды, онда балалар бір-бірімен жарысып, әрқайсысы өздерінің дене шынықтыру дайындықтарын көрсетті.

Халық арасында жалпы экологиялық мәдениетті қалыптастыру бойынша эстафетаны Успен ауданының тұрғындары спорттық балалар алаңын абаттандыру бойынша «Ауылым-алтын бесігім» акциясын қолдады.

Тереңкөл ауданында «ALDASPAN» жастар орталығы Ертіс өзенінің жағасында қоқыстан тазарту плоггингін ұйымдастырды. Бұл іс-шараға Тереңкөл ауылының жастары, еріктілері мен жұртшылығы қатысты, олар екі командаға бөлініп, пластик бөтелкелер мен басқа да қалдықтарды қоқыс қаптарына жылдамдықпен жинап, Ертіс өзенінің жағасын қоқыстардан тазартты. Сондай-ақ, аталған іс-шара аясында «Таза аула» акциясы өткізілді, онда жалғыз тұратын қарттарға, ерекше қажеттіліктері бар адамдарға және халықтың басқа да әлеуметтік қорғалмаған топтарына аумақты қоқыстан тазартуға көмек көрсетілді.

Айта кету керек, «Таза Қазақстан» республикалық акциясына ағымдағы кезеңге (ағымдағы жылғы 10 сәуірден 18 маусымға дейін) мемлекеттік мекемелер мен жеке ұйымдар, шаруа қожалықтары, жастар, волонтерлік және үкіметтік емес ұйымдар, мәслихат депутаттары, ПИК, МИБ өкілдері тартылды. Барлығы 213,0 мың адам қатысты, 276 сквер, саябақ абаттандырылды, 72 мың тонна қоқыс шығарылды, 29 мыңнан астам ағаштар мен бұталар отырғызылды.