Басты бет > КИНО > Дарежан Өмірбаев жаңа фильмнің түсіріліміне кірісті

Дарежан Өмірбаев жаңа фильмнің түсіріліміне кірісті

КИНО 04.02.2022

2377

Дарежан Өмірбаев өзінің «Соңғы сеанс» атты жаңа фильмін түсіруді бастады. Бұл фильм белгілі қырғыз кәсіпкері, меценат және кинопродюсер Толонду Тойчубаевтың тапсырысы бойынша түсірілетін киноальманахтың бестен бір бөлігі болып табылады. Толонду ТМД елдеріндегі «Билимкана» жекеменшік мектептер желісінің иесі болып табылады және киноөндіріске толық демеушілік жасайды. Сондай-ақ Ресей, Грузия, Белоруссия және Қырғызстаннан түрлі сюжеттері бар талантты режиссерлердің жұмысы киноальманахқа кіреді, деп хабарлайды madeniportal.kz.

Түсірілім алаңынан көрінісӘлемдік кинематографқа құштарлықпен қызығатын және параллельді класстағы қызға ғашық жас жоғары сынып оқушысы Жәңгір төңірегінде құрылған оқиға фильмге арқау болады.

Негізгі түсірілімдер Алматыда өтіп жатыр. Кинотеатрларда бірнеше көріністер жоспарланған. Басты рөлдерді Ілияс Шәкіров, Дина Бексейітова және жазушы Адольф Арцишевский сомдайды. Қоюшы оператор Борис Трошев, ал бас суретші Нұрболат Жапақов болып табылады.

Түсірілім алаңынан көрінісФильмнің атқарушы продюсері Олжас Тартаевпен бірге Дарежан Өмірбаев жақында 34-ші Токио халықаралық кинофестивалінің байқауында «Үздік режиссура» жүлдесін жеңіп алған «Ақын» фильмінде бірге қызмет етті.