3 күн жолдар жабылады: Астанада Си Цзиньпиннің сапарына байланысты бірнеше көше жабылады

16 маусымда Қытай Халық Республикасының Төрағасы Си Цзиньпин ресми сапармен Астанаға келуіне байланысты бірнеше көше уақытша жабылады, деп хабарлайды MADENIPORTAL.KZ.

Астана әкімдігінің мәліметінше, 17 маусым күні елордада «Қытай – Орталық Азия» іскерлік кеңесінің екінші отырысы өтеді. Оған өңір елдерінің көшбасшылары қатысады. Осыған байланысты қалада бірнеше көшеде көлік қозғалысына уақытша шектеу енгізіледі. 

16–18 маусым аралығында:

• Қабанбай батыр даңғылы – халықаралық әуежайдан Мәңгілік Ел даңғылына дейін
• Мәңгілік Ел даңғылы – Қабанбай батырдан Д. Қонаев көшесіне дейін
• Қонаев көшесі – Мәңгілік Елден Қабанбай батырға дейін
• Қабанбай батыр даңғылы – Қонаев көшесінен Қорғалжын тас жолына дейін.

17 маусым күні:

• Керей, Жәнібек хандар көшесі – Мәңгілік Ел даңғылынан Шерхан Мұртаза көшесіне дейін
• Тәуелсіздік даңғылы – Керей, Жәнібек хандар көшесінен А. Байтұрсынұлы көшесіне дейін
• Сағат 14:00–20:30 аралығында Бейбітшілік пен келісім сарайы маңындағы К. Аманжолов және Ж. Нәжімеденов көшелерінде қозғалыс шектеледі. 

Елорда тұрғындары мен қонақтарынан өз маршруттарын алдын ала жоспарлап, уақытша белгілерге назар аударуы сұралады. Уақытша шектеулер қоғамдық қауіпсіздік пен қозғалыс тәртібін қамтамасыз ету мақсатында енгізіліп отыр.