Алматыда Hyundai көлігінің жүргізушісі үш жаяу жүргіншіні қағып кетті, зардап шеккендер ауруханаға жеткізілді, деп хабарлады MADENIPORTAL.KZ .
Полицияның мәліметінше, оқиға Алматының Түрксіб ауданында болған. Hyundai жүргізушісі белгіленбеген жерден жолды кесіп өтпек болған үш адамды қаққан.
Куәгерлер оқиға орнынан түсірілген бейнежазбаны әлеуметтік желілерде жариялады. Олардың айтуынша, соқтығыс қаладағы бір қиылыста болған.
Барлық зардап шеккендер медициналық мекемеге жеткізілді. Қазір полиция қызметкерлері жол-көлік оқиғасына қатысты тергеу жүргізіп, мән-жайды анықтап жатыр.
