“Кінәлі екенімді білемін, бірақ жауапкершілікті сезінбеймін”. 3 адамды өлтірген қылмыскер жазаланды

3 адамды атып өлтірген қылмыскер өмір бойына бас бостандығынан айырылды, деп хабарлайды madeniportal.kz.

Айыптаушы тарап Фуад Л.-ны 30 жылға бас бостандығынан айыруды және мәжбүрлі психиатриялық емдеуді сұрады, бірақ судья оны өмір бойына бас бостандығынан айыру жазасына кесті. Бұл туралы ВВС хабарлады. 

Фуад Л. 28 жылдан кейін шартты түрде мерзімінен бұрын босатылу өтінішін бере алады. Айыптаушы тарап сұраған үкімде ол психиатриялық ем алуды сәтті аяқтағаннан кейін ғана босатылатыны шамаланған.

2023 жылдың қыркүйегінде Фуад Л. өзінің көршісі, 39 жастағы Марлус пен оның 14 жастағы қызы Ремиді атып өлтірді. Содан кейін ол «Эразмус» медициналық орталығына барып, сол жерде сабақ беретін 43 жастағы дәрігер Юрген Даменді өлтірген. Ер адам сондай-ақ өз үйі мен медициналық орталықты өртеп жіберген.

Сотта Фуад Л. оның қылмыс жасауына оқуды аяқтаған соң медициналық диплом берілмегені себеп болғанын айтты.