Басты бет > Жаңалықтар > Мемлекет басшысы қазақстандықтарды Алғыс айту күнімен құттықтады

Мемлекет басшысы қазақстандықтарды Алғыс айту күнімен құттықтады

Жаңалықтар 01.03.2024

529

Мемлекет басшысы Қасым-Жомарт Тоқаев қазақстандықтарды Алғыс айту күнімен құттықтады, – деп хабарлайды madeniportal.kz Ақорданың баспасөз қызметіне сілтеме жасап.

Мемлекет басшысы Қасым-Жомарт Тоқаевтың Алғыс айту күнімен құттықтауы.

- Құрметті отандастар!

Сіздерді Алғыс айту күнімен құттықтаймын!

Бұл – береке-бірлігімізді бекемдей түсетін мереке. Осы күні еліміздің азаматтары бір-біріне ерекше ілтипат көрсетіп, ризашылығын білдіреді. Сондай-ақ татулық, ынтымақ, достық сынды қастерлі құндылықтар жан-жақты дәріптеледі. Мұның бәрі ұлтты ұйыстырудың ұтымды жолы екені сөзсіз.

Халқымыздың уақыт сынынан өткен жанашырлық, қамқорлық, мейірімділік сияқты асыл қасиеттері, әсіресе қиын-қыстау кездерде айқын көрінеді.

Бүгінде мемлекетімізде ауқымды өзгерістер болып, Әділетті Қазақстанды құру жолында нақты қадамдар жасалып жатыр. Осындай сындарлы сәтте елдік мүддені бәрінен биік қойып, ырыс-ынтымағымызды сақтау өте маңызды.

Біз озық ойлы ұлт ретінде көздеген барлық биік мақсаттарға қол жеткізетінімізге кәміл сенемін.

Осы орайда тынымсыз тер төгіп, Қазақстанды көркейтуге өз үлесін қосып жүрген азаматтарға алғыс айтамын.

Баршаңызға бақ-береке және мол игілік тілеймін!

Еліміз аман, жұртымыз тыныш болсын!, – делінген Президенттің құттықтауында.

#Жаңалықтар

Бөлісу:

Оқи отырыңыз

Жаңалықтар

13.07.2020 Аида Балаева жазушы Қажығали Мұханбетқалиұлының отбасына көңіл айтты

Қазақстан Республикасы Ақпарат және қоғамдық даму министрі Аида Балаева бүгін өмірден өткен қарымды...

Жаңалықтар

16.11.2024 «Бұл отарлау құралы»: Ресей Қазақстанның баспа нарығын иемденіп жатқаны рас па?

Қазақстандық баспагер Бақытжан Бұқарбай Мәжіліс отырысында Қазақстанның кітап нарығына Ресейден қауі...