Польшаның Қазақстандағы елшісі: “Қазақ тілін білу – мен үшін үлкен қуаныш”

Бүгін таңертең Астананың Ботаникалық бағында ерекше атмосфера орнады: жүздеген адам Польша Тәуелсіздік күніне арналған “Dostyq Run 2025” халықаралық жүгіру марафонына қатысты. Салқын ауа райы да көңілділікті бәсеңдетпей, қатысушылар көтеріңкі көңіл-күймен стартқа тұрды. Бұл шараның мақсаты – спорт арқылы халықтар арасындағы достықты нығайту, мәдени және дипломатиялық байланыстарды көрсету, деп хабарлайды MadeniPortal.kz.

Марафон қатысушылары 2,5 және 5 км қашықтықта жарысты. Олар қатарында қала тұрғындары, дипломаттар және басқа елдердің елшілері бар екені көрермендерге ерекше әсер сыйлады. Спорттық жарыс тек физикалық дайындықты сынау емес, сонымен қатар жаңа достық байланыстар орнатуға мүмкіндік берді.

Польша Республикасының Қазақстандағы Елшілігінің уақытша сенімді өкілі Михал Лабенда марафонға қатысып, қазақ мәдениеті мен тілін меңгеру тәжірибесі туралы әңгімеледі. 1993 жылы Қазақстанға оқуға келген ол ҚазҰУ-дың шығыстану факультетінде қазақ бөліміне түскенін айтып, сол сәттен бастап қазақ мәдениетіне қызығушылығы артқанын жеткізді. 

Дипломат сондай-ақ қазақ және поляк халықтарының мәдени және мінез ерекшеліктеріндегі ұқсастықтарға тоқталды: 

Спортқа қатысты сұраққа жауап берген кезде Михал Лабенда марафонның тек физикалық жаттығу емес, достық пен бірліктің көрінісі екенін атап өтті. 

Марафон барысында қатысушылардың жүздерінен қуаныш пен шабыт көрінді. Көпшілік жарысты тамашалап қана қоймай, бір-бірімен танысып, пікір алмасып, жаңа достық байланыстар орнатты. Спорт арқылы мәдениеттің, дипломатияның және рухани дамудың үйлесімі сезілді. 

Осылайша, “Dostyq Run 2025” тек спорттық іс-шара емес, мәдени, дипломатиялық және рухани мәні зор бірегей оқиғаға айналды. Қазақстан мен Польша арасындағы достықты, өзара түсіністікті нығайтуда мұндай шаралардың маңызы ерекше, ал қатысушылар үшін бұл марафон ұмытылмас тәжірибе болды.