Қақпашы Темірлан Анарбеков алдағы футбол ойындарына қатыспайды

Фото: әлеуметтік желі

ЖАҢАЛЫҚТАР
601

Алматылық «Қайрат» командасының қақпашысы Темірлан Анарбеков төменгі жақ сүйегін сындырып алды. Сондықтан ол алдағы ойындарға қатыса алмайды, деп хабарлайды POLITICO.KZ Atameken Business-ке сілтеп.

Бұл туралы клубтың баспасөз қызметі хабарлады.

Төменгі жақ сүйегі сынған деген алдын ала диагноз қойылды. Өкінішке қарай, ол жақын матчтарға қатыса алмайды. Қосымша ақпарат әзірге жоқ, — деді «Қайрат» футбол клубының медиа-офицері Арман Жақсығұлов.

Еске салайық, 14 қыркүйекте Қазақстан премьер лигасының 23-ші тур аясындағы ойында Темірлан Анарбеков 13 минутта жарақат алды. Соған қарамастан алматылық «Қайрат» «Ақтөбе» командасын 1:0 есебімен жеңді. Ойындағы жалғыз голдың авторы - Дастан Сәтпаев.