“Уақытпен үндес өнер: театр және заманауи көрермен”

Театр хас сұлудың көз жасындай мөлдір өнер. Бүгінгі таңда театр-дәстүр мен жаңашылдықтың тоғысқан мекені. Көрерменді іздеу, көрерменге ұмтылу театр өнерінің ең басты мақсаттарының бірі. Қазіргі кезде көп көрерменнің көзайымы болған , жас студенттердің ықпалымен ашылған “JanART ” театры желіні жаруда. Қойылым барысында ескі әндерді шырқап оларды қайта сәнге айналдырып жүрген театрдың өзімен танысу маған қызық болды.”JanART” театр ұжымының талантты әртісі  Жанбаев Бақтияр мен бірге сұхбат құрып,театр тарихымен жақынырақ таныс болдым.

-“JanART” театры қалай пайда болды? Театрды ашу барысында өздеріңізге қандай мақсатты негіз қылдыңыздар?

-“JanART” театры Т.Жүргенов атындағы Қазақ ұлттық өнер академиясының студенттерінен қалыптасқан шығармашылық ұжым ретінде құрылды. Біздің басты мақсатымыз – жас өнерпаздарға өз таланттарын көрсетуге мүмкіндік беру және көрермендерге сапалы, мазмұнды қойылымдар ұсыну арқылы қазақ мәдениетін дамытуға үлес қосу. Басты мақсат студенттерден құралған ұжым емес тұтас труппа болып қалыптасып Театр ретінде қалыптасу.

-Сіздердің репертуарларыңыздағы қойылымдар қалай құралады және шығармашылық идеялар жиі туындайды ма?

-Біздің шығармашылық процесіміз бірнеше кезеңнен тұрады:

Шығарманы таңдау: Қоғамдағы өзекті тақырыптарды немесе көркемдік құндылығы жоғары шығармаларды таңдаймыз.

Интерпретация: Таңдалған шығарманы заманауи көзқараспен қайта қарастырып, ерекше тәсілдермен сахналауға тырысамыз.

Репетициялар: Актерлер мен режиссерлер бірлесе жұмыс істеп, кейіпкерлердің мінез-құлқын, сахналық қозғалыстарды және эмоцияларды зерттейді.

Сценография және музыка: Сахнаның безендірілуі, костюмдер және музыкалық сүйемелдеулер қойылымның атмосферасын толықтырады.

Шығармашылық идеяларымыз өмірдің түрлі салаларынан, әдебиеттен, музыкадан және заманауи мәселелерден шабыт алады. 

-Театр жұмысы барысында кездесетін ең үлкен қиындықтар мен сіздер жеткен басты жетістік қандай?

-Басты қиындықтарымыздың бірі – қаржылық ресурстардың шектеулілігі және жас ұжым ретінде тәжірибенің аздығы. Дегенмен, біз осы қиындықтарды жеңе отырып, көрермендеріміздің ыстық ықыласына бөленіп келеміз. Басты жетістігіміз – «Кездесейік тағы бір» атты ән мен поэзиядан тұратын қойылымымыздың сәтті өтуі және көрермендердің жоғары бағасы.

-Көрермендермен байланыс орнатуда қандай тәсілдер қолданасыздар және олардың пікірлері сіздер үшін қаншалықты маңызды?

-Біз әлеуметтік желілер арқылы көрермендерімізбен тығыз байланыстамыз. Instagram парақшамызда қойылымдарымыз туралы ақпараттар, фотосуреттер мен бейнематериалдар жариялап отырамыз. Көрермендердің пікірлері біз үшін өте маңызды, себебі олар біздің дамуымызға және қойылымдарымыздың сапасын арттыруға көмектеседі.

-Алдағы жоспарларыңыз қандай және театр арқылы көрермендерге қандай ой жеткізгілеріңіз келеді?

-Алдағы уақытта репертуарымызды кеңейтіп, жаңа қойылымдар әзірлеуді жоспарлап отырмыз. Біздің мақсатымыз – көрермендерге өмірдің мәні, махаббат, достық және қоғамдағы өзекті мәселелер туралы ой салу. Театр арқылы біз адамдарды бір-бірін түсінуге, сыйлауға және өмірдің әр сәтін бағалауға шақырамыз.

Әңгімелескеніңіз үшін рақмет!

Мураткалиева Айзере

10 сынып оқушысы