59 жастағы ер адам көп су ішіп қойып қайтыс болды

Мөлшерден тыс тым көп су ішіп 59 жастағы азамат қайтыс болды, деп хабарлайды MADENIPORTAL.KZ qrnews-ке сілтеме жасап. 

59 жастағы Дублин тұрғыны Шон О'Доннелл 2020 жылдын қаңтарында ауруханаға жоспарлы процедурадан өтуге жазылған. Процедура сәтті өткен, содан кейін О' Доннелл мырзаға көп су ішуге кеңес берілген. Алайда оның қаншалықты мөлшерде су ішіп жатқанын медицина қызметкерлері қадағаламаған. Салдарынан ол сол күні қайтыс болды. 

Сотта оның шамадан тыс сұйықтық ішкеннен кейін миы ісініп, бұл жағдай ақырында өлімге әкелгені анықталды. 

Дене үшін жеткілікті мөлшерде су ішу денсаулыққа пайдалы болғанымен, шамадан тыс суды тез ішу ағзадағы натрий денгейінің қауіпті түрде төмендеуіне әкелуі мүмкін. Мұндай жағдай медицинада гипонатриемия деп аталады. 

Зерттеулерге сәйкес, гипонатриемияға шалдыққан науқастардың шамамен төрттен бірі бұл дерттен көз жұмады.

Медицина мамандары жекпе-жек өнерінің аңызы Брюс Лидің де шамадан тыс су ішу салдарынан қайтыс болғанын болжайды. Ол 1973 жылы Гонконгта 32 жасында мидың ісінуінен қайтыс болған. 

Спортшылар, антидепрессант қабылдайтындар, бүуйрек жетіспеушілігі бар адамдарға көп су ішу қауіпті болып саналады.