Кішкентай қыздың өліміне дәрігерлерді кінәлап отыр

"Ауруханаға жедел жәрдеммен барған қызымның денесі бір тәулікте үйге қайтты. Үш күн бұрын кішкентай Жібектің мәйітін жер қойнына тапсырдық. Қызуы 40 градусқа дейін көтерілген қызымның диагнозын дәрігер алғашында дөп басып таба алмады. Қызымның Цеф-3 дәрісіне аллергиясы бар деп қанша ескертсем де, дәрігерлер балама екпені салып жіберген. Бір сағат өтер-етпестен қызым судоргы ұстады. Мен айғайладым, көмектесіңдер деп жатырмын, жоғары температурамын түсіп жатырмыз. Дәрігер Айман деген хабар алған жоқ. Реанимацияның дәрігерлері сұрады, преднизолон салдыңдар ма, жоқ бізде деді. Аллергосепт салдыңдар ма, жоқ бізде деді. Сендерде не аппарат жоқ, не дәрі жоқ неғып жүрсіңдер деді де реанимацияға алып кетті қызымды. 8 күні кешкі 8-де қызымның денесін алып қайттым ғой мен", – деді марқұмның анасы Райхан Жорақұлова. 

"Олар енді әр түрлі сөйледі. Басында жақсы деді, кейіннен ісіп бара жатыр деді. Ауырып бара жатыр деді. Ол жағына жиналып бара жатыр деді сары су. Сонымен мен де аң-таң боп қалдым", – дейді марқұмның әкесі Ғабит Аралбаев. 

"ОРВИ ауыр дәрежесі, вирусты менингоэнцефалит, инфекциялық токсиктік шок, кома 3 дәрежеде. Сол күні жатқызған соң жағдай нашарлаған. Преднизолон, аллергосепт деген дәрі ол анафилактикалық шок кезінде қолданылатын дәрі. Ол мынадай жай бөлімшеде болмайды. Жұмыс жүріп жатқаннан кейін барлығы 100 пайыз зор болады деп айта алмаймын. Кемшіліктер бар", – дейді Жетісай аудандық орталық ауруханасының бас дәрігері Нұрлан Жолдасбеков.